شہر آشوب

شہرِ آشوب ہِک اہڄی لوک کہاݨی / لوک قصّہ ہِے جیڑھا اساݙے سرائیکی وسیب دے لوک ادب وِچ ٻہوں مہان٘درا زبانی قصّہ (Oral Folklore) ہِے۔

کہیں شہر نال واقفیت دا مطلب اے ہے جو اوں شہر دے کیتے لوک تہاݙے واقف ہِن بلکہ اوں شہر دے بازار،کوچے،ڳلیاں محلے،در دروازے تہاݙے کتنے واقف ہِن۔ کتنیاں یاداں تہاݙیاں اوں شہر نال ہِن ہوندے ڳئیں نال تہاݙی کتنی یاری ہے۔ کتنیاں جاڳدیں راتیں تساں اوندی سڑکیں،اوندے ریستورانیں نال گزارین لوک تاں پتہ نہیں تساں ݙوجھی دفعہ ونڄو تاں کوئےنہ ہوون۔ الف لیلیٰ جیڑھے بغداد دی ڳلیں دا ذکر کریندی ہے آنہیں وچوں تاں شاید کوئی ہندیرہ بچا کھڑا ہووے۔ پر جیڑھے بندیں دا ذکر کریندی ہے او تاں الف لیلیٰ دے صفحیں اِچ رہ ڳئین۔ پتہ نہیں اوندے بعد کتنے لوک آں تے ڳئین۔ شاید اوں شہر دے ڳلیں نال لوکیں دی واقفیت مُک ڳئی ہے تہوں کوئی ٻئی الف لیلیٰ نہیں لکھی ڳئی۔ او لوک جنہیں شہر آشوب لِکھن،اُنہیں لوکیں دا اوں شہر نال کتنا پیار ہا،کتنیاں روشن یاداں ہَن اُنہیں لوکیں دیاں دا کتنے وݙے اندھارے تے ہجرت دا تجربہ اے شہر آشوب لِکھݨ دے پِچھوں۔ شہر آشوب محض اُنہیں شہریں دیاں نظماں نہیں جیڑھے اُڄڑ ڳئین،اُنہیں شہریں دے نوحے وی ہِن جیڑھے چھُٹ ڳئیں۔ شہر آشوب ہجرتیں دیاں کہانیاں ہِن،وِچھوڑے دے قصّے ہِن۔ اے وِچھوڑا تاں شہر دے وچ رہندیں ہوئیں عی تھی سڳدے۔ چہر آشوب اُڄڑیئے شہریں دا نہیں وَسدے شہریں دا نوحہ وی تھی سڳدے تے بندے دے اندر وی ہک شہر وسدا ہوندے اُڄڑݨ دا نوحہ لکھدا رہندے۔ اوں شہر دے وَسݨ تے اُڄڑݨ دیاں وی کئی شکلاں ہوندن،اے صرف اوں بندے کوں پتہ ہوندے جیندا چہر اُڄڑیا ہووے۔ اَمرالقیس جیڑھے جاہیں دے اُڄڑݨ دا ذکر کریندے کیا پتہ او ذہن تے ہِن وی سہی یا نہ۔ غلام حیدر یتیم دی نظم "چِڑی دا آلہݨا" وی تاں ہک شہر آشوب ہےـ