سرائیکی لوک ثقافت وِچ خَجّی دی اہمیّت

وکیپیڈیا توں

سرائیکی وسیب دی لوک ثقافت وِچ خَجّی کُوں ٻہوں اہمیّت حاصل اے، خَجّی تُوں حاصل تِھیوݨ والے میوے کُوں پِنڈ آکھیا وین٘دے، اِیں پِنڈ دیاں قسماں، وَنکیاں، آپوواݨیاں اتے اِنّھاں دے سواد، ذائقے، رنگ اَتے شکلاں وی آپو واݨیاں ہون٘دِن۔ اپݨی دھرتی دی لوک ثقافت دے حوالے نال شاعری کرݨ والے شاعریں خَجّی تے پِنڈ دا ذکر وݙّی محبّت نال کِیتے۔ سرائیکی وسیب وِچ پِنڈ دیاں سین٘کڑاں قِسماں تے ونکیاں[١] ہِن، اِنّھاں وِچ کُجھ ناں اِیں طرح ہِن:

  • ساوی۔
  • ݙینڈا
  • خَسی۔
  • ݙوݙی
  • سونا پِنڈ
  • گری پِنڈ
  • تپاشہ۔
  • ڈوہڑا
  • مکّے آلی
  • مدینے آلی
  • ݙوکا
  • وَݨ
  • اَدھ وَݨ
  • خسّی ݙوکا
  • مِٹّھا ݙوکا
  • پِھکّا ݙوکا۔
  • پوپ
  • بصرے آلا پوپ

اتے اِیں طرح پِنڈ دے ٻئے سین٘کڑاں ناں موجود ہِن۔

خَجّی تے چڑھ تے پنڈ چُݨݨ والے کُوں چاڑھا آکھیا وین٘دے۔ چاڑھا خَجّی تے چڑھݨ تُوں پہلے کمند ٻدھین٘دے اَتے خَجّی تے سڄّا پیر رکّھݨ تُوں پہلاں آکھدے "بسم اللہ الرحمٰن الرحیم یا اللہ یا محمد یا پیر اُستاد یا لقمان حکیم حکمت دا بادشا"۔ ہمیش مادی کُوں پَھل لڳدے، نر خَجّی کُوں مادی بݨاوݨ کِیتے اُون٘کُوں مادی دا ٻور ݙِتّا وین٘دے۔ سرائیکی لوک شاعری وِچ ڄاہ ڄاہ تے خَجّی تے پِنڈ دا ذکر وݙّی محبّت نال مِلدے۔

[٢] [٣]

ٻیا ݙیکھو[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. خَجّی اَتے اُون٘دے متعلقات ݙیکھو
  2. از: ظہور دھریجہ، ناں کتاب: سرائیکی وسیب، چھپَّݨ دا ویلا: نومبر 2003ء اتے 2013ء، چھاپہ خانہ: جھوک پرنٹرز ملتان۔
  3. از: لائبریری سئیں ڈاکٹر خالد اقبال۔

ٻاہرے رابطے[لکھو | ماخذ وچ تبدیلی کرو]