سرائیکی لوک ادب دے نویں رجحانات
اسلم رسول پوری نے سرائیکی لوک ادب کو نویں رحجانات، فنی تکنیکی تبدیلیاں، عصری حوالیاں نال ، رلاتے جوڑن دی کوشش کیتی ہے ۔
"سرائیکی ادب وچ معنی دا پندھ" ایں کتاب دا ݙوجھا حصہ "نثری ادب" 31، تحقیقی تنقیدی تجزیے، مضامین تے ادبی کتاباں دے تبصریاں اُتے مشتمل ہے ۔ انہاں مضامین دی ہک خصوصیت ایہ ہے جو انہاں مضامین وچ ٻہوں سارے سرائیکی ادبی صنفی مسائل بارے سوالات دا جواب ݙتا ڳئے مثلاً :
- سرائیکی کیوں؟
- سرائیکی رسم الخط دا دفاع
- چھوٹی زبان وچ وڈے ادب دے امکانات
- سرائیکی افسانے وچ عورت دے مسائل
- سرائیکی ڈرامے دا المیہ
- کیا بسنتی اہم ناول ہے ؟
- حملہ آوریں دی فکر دے سرائیکی ادب تے منفی اثرات
کتاب دے ݙوجھے حصے "نثری ادب" دے ٻئے مضامین ، مصنف دی تنقیدی ، تحقیقی بصیرت دا شاہکار ہن۔
- غلام حسن حیدرانی دیاں سرائیکی ادبی خدمتاں
- سرائیکی ادب وچ اسماعیل احمدانی دا حصہ
- مسرت کلانچوی: تا نیثیت کنوں اگاں
- اسلم میتلا دے سرائیکی انشائیے
- م ۔ ی قیصرانی بطور سرائیکی محقق
ایہ مضامین سرائیکی ادبی نثر لکھݨ والی شخصیات دے تذکرے ،نثر نگاراں دے ذاتی کوائف اتے انہاں دی فکر و فن دا وی جزوی حصہ ہن۔ جاں جو ایں حصے دے کجھ مضامین ، مختصر اتے جامع تبصرہ دی عمدہ مثال ہن جینویں جو :
- وادی پنجند وچ صحافت تے تبصرہ
- سرائیکی ثقافت ہک نظر وچ
- پکھی واس تے ہک جھات
- سمجھ دا سنیہا وچ سرائیکی وسوں
ایں حصے وچ جو مضامین سرائیکی ادبی تاریخ دے تناظر وچ اہم شمار ہن اُنہاں وچوں:
- سرائیکی افسانے وچ عورت دے مسائل
- سرائیکی ادب وچ تریمتیں دا حصہ
- سرائیکی دے پہلے چار ناولیں دا تنقیدی جائزہ
- مختصر تاریخ زبان و ادب : سرائیکی دے بارے کجھ گالھیں
ایہ مضامین سرائیکی ادب تاریخ دے طالب علماں، تحقیق ، تنقید نگاراں کیتے ہک راہنمائی دا حصہ بݨ سنگدن۔ کیوں جو انہاں مضامین وچ ٻہوں ساری نویں معلومات اتے نویں زاویے ملدن۔ اسلم رسول پوری دے نثری ادب دے زیر عنوان لکھے ڳئے مضامین سرائیکی ادب دے نثر نویساں دے تذکرے دی خوبی وی رکھدن۔ مثلاً ایں نثری حصے وچ تحقیقی مضمون: منشی محمد حسن دا وطن ، غلام حسن حیدرانی ، م ۔ ی قیصرانی ، اسلم میتلا ، اسماعیل احمدانی جھئیں نثر نگاراں دیاں لکھتاں، حالات زندگی بارے منڈھیاں معلومات وی میسر آندن۔[١]
ٻیا ݙیکھو
[لکھو | ماخذ وچ تبدیلی کرو]حوالہ جات
[لکھو | ماخذ وچ تبدیلی کرو]- ↑ از: سئیں ڈاکٹر خالد اقبال۔ مقالہ پی ایچ ڈی۔