اسلم رسول پوری تخلیق کار ذہن آلا محقق

وکیپیڈیا توں

اسلم رسول پوری تخلیق ذہن رکھݨ والے محقق، تنقید نگار، اتے مورخ ہن۔ اُنہاں سرائیکی کلاسیکی ادب دی تعبیر نو اتے جدید سرائیکی ادب دی تشکیل وچ، واضح تے فیصلہ کن کردار ادا کیتے۔

اسلم رسول پوری ہوراں اپݨی کتاب "سرائیکی ادب وچ معنی دا پندھ" دے دیباچے وچ جو نقطہ نظر لکھئے اُو ادبی تاریخ دے اُصولاں دی وی ترجمانی ہے تے بحیثیت محقق، تنقید نگار تے مورخ اُنہاں دے ادبی پندھ دی کتھا ہے ۔ جیندے وچوں چند نکات نتر تے سامݨے آندن:

  • سرائیکی ادب دا ارتقائی جائزہ گھدا ڳئے
  • تحقیقی مطمع نظر کوں اولیت
  • ہمسایہ زباناں دے ادب دا مطالعہ
  • گمشدہ شاعراں دی دریافت
  • تحقیقی مغالطیاں دی درستی
  • پراݨے لکھاریاں دے نال نال نویں تخلیق کاراں دی حوصلہ افزائی
  • سرائیکی قاعدہ ، املا، رسم الخط، سرائیکی آوازاں بارے تحقیق و سرائیکی لسانیات بارے عملی کاوشاں
  • مستقبل وچ سرائیکی ادبی تاریخ لکھݨ سانگے ڈاکو منٹیشن
  • بحیثیت محقق ، تنقید نگار و مورخ غیر جانبدارانہ رویہ
  • علوم جدیدہ دی روشنی وچ سرائیکی ادب دی تفہیم
  • ادبی تنقید راہیں معنی دی تلاش

اسلم رسول پوری دی کتاب "سرائیکی ادب وچ معنی دا پندھ" ݙو حصیاں تے مشتمل ہے ۔

  1. شعری ادب
  2. نثری ادب

شعری ادب دے حصے وچ 38مضامین ہن جاں جو نثری ادب دے حصے وچ 31مضامین شامل ہن۔ شعری ادب دے حصے وچ شامل مضامین وچوں[١]:

  • شاہ لطیف دی شاعری
  • لُطف علی حیاتی اتے شاعری
  • علام محمد واصف دی سرائیکی شاعری دا تعارف
  • حاجی احمد فگار تے روشن ضمیر دا قصہ
  • لطفن: روایت پسند شاعر
  • محمد حسین شاد تے شاعری دی زبان
  • شاکر تونسوی دی شاعری
  • غلام حسین زائر دی ترقی پسندانہ شاعری
  • حسن رضا گردیزی : حاشیہ نشین موضوعات دا شاعر
  • اقبال سوکڑی دا شاعرانہ مقام
  • اکھیں وچ دوزخ تے محمد اعظم سعیدی
  • عبدالحمید ذوق دی شاعری
  • نذیر فیض دی شاعری
  • انجم لاشاری دی شاعری
  • مصطفے خادم دی شاعری
  • شبیر ناز دی شاعری
  • ممتاز حیدر ڈاہر تے کشکول وچ سمندر
  • سحر سیال دا ترامے دا شہر
  • زبیر احمد دیاں نظماں
  • خالد اقبال دی شاعری ’’ پندھ کویلیاں کوں‘‘
  • صوفی تاج گوپانگ دے تراجم
  • حبیب اللہ طارق دی غزل

ٻیا ݙیکھو[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. از: سئیں ڈاکٹر خالد اقبال۔ مقالہ پی ایچ ڈی۔

ٻاہرلے جوڑ[لکھو | ماخذ وچ تبدیلی کرو]