ریاض ہاشمی
سیئں ریاض ہاشمی دا ناں وسیب دے اُوں گِݨے چُݨے اڳوݨاں وچ شامل ہے کہ جنہاں سب تُوں پہلے سرائیکی تحریک دا علم چاتا ہئی تے صوبہ بہاولپور دی تحریک کوں نہ صرف سرائیکی صوبہ تحریک اچ بدل دتا ہئی بلکہ سرائیکی وسوں دے حق اِچ سیاسی، تاریخی تے آئینی دستاویز ”بریف فار بہاولپور پراونس“ نامی کتاب لکھ کے سرائیکی صوبے دا مقدمہ پیش کیتاہئی تے کتاب وچ پہلی واریں وسیب دا مکمل نقشہ چھاپا گیا ہئی، جیندے مطابق صادق آباد کول گھن کے دیرہ اسماعیل خان تک پھیلے تھل، دمان، چولستان دے واسیاں کوں نہ صرف آپݨی سنڄاݨ ملی ہئی بلکہ سرائیکی خطے دی نویکلی (تہذیبی، تمدنی، سیاسی تے جغرافیائی) شناخت دے مطابق سرائیکی صوبے دا مقدمہ کیتا گیا ہئی۔
انٹرنیشنل سرائیکی کانگریس دے روح رواں سیئں عبید خواجہ دی محنت تے لگن کوں سلام کہ جنہاں ریاض ہاشمی سیئں دی کتاب دا اُردو ترجمہ مکمل کیتا تے ڈاکٹر عائشہ صدیقہ، سیئں عاشق بزدار، سیئں اسلم رسول پوری، سیئں اسجد بخا ری، سیئں حیدر جاویدسید تے سیئں پروفیسر عامر فہیم نے کتاب تے آپنے آپنے تاثرات لکھے۔۔
انٹرنیشنل سرائیکی کانگریس ایں کتاب کوں چھاپن دا آہر کریندی پئی ہے۔انشاء اللہ مقدمہ سرائیکستان بہوں جلد چھپ کے سنگت دے مطالعے کیتے پیش کیتی ویسی۔
عباس سیال
کنوینئر
انٹرنیشنل سرائیکی کانگریس
آسٹریلیا
انہاں دا پورا ناں ریاض الحسن ہاشمی ہے۔ سرائیکیاں دے قومی ہیرو تے مصور تے مفکر سرائیکستان ہن۔
ڄم پل
[لکھو | ماخذ وچ تبدیلی کرو]١٩٢٥ء کوں فیض الحسن ہاشمی دے گھر ڄمے۔
پیشہ
[لکھو | ماخذ وچ تبدیلی کرو]وکیل ہن۔
پہلے بہاولپور صوبے دے حامی ہن، وت بہاول پور صوبے دی تحریک ختم کرتے سرائیکستان دا تصور ݙتے۔
ریاض الحسن ہاشمی صاحب ہِک وکیل اَتے سیاسی کارکن ہَن۔ اُوہ سرائیکی صوبے دے بانی رہنماواں وِچوں ہِک ہَن۔ اُنہاں نے سرائیکی قوم پرستی اَتے علاقائی حقوق کیتے اواز چاتی۔
علمی اَتے سیاسی خدمات
[لکھو | ماخذ وچ تبدیلی کرو]ہاشمی صاحب دی سب تُوں اہم علمی خدمت اُنہاں دی کتاب "Brief for Bahawalpur Province" ہے، جیڑھی اُنہاں سرائیکی تحریک کیتے لِکھی۔ اِیں کتاب وِچ بہاولپور صوبے دی بحالی اَتے سرائیکی لوکاں دے مطالبیاں کوں قانونی اَتے سیاسی طور تے پیش کِیتا ڳیا۔ اِیہ کتاب بعد وِچ اردو وِچ وی ترجمہ تھئی، جیڑھا اِیندی اہمیت کوں ظاہر کریندی ہے۔
ریاض الحسن ہاشمی ایڈووکیٹ دا تعلق خان پور کٹورہ ضلع رحیم یار خان نال ہئی۔ سرائیکی تحریک دے بانی رہنماواں اچوں ہک ہن۔ بہاولپور صوبے کیتے جدوجہد کریندے رہیے ول اوں تحریک دی ناکامی دے بعد بہاولپور صوبہ تحریک کوں سرائیکی صوبہ تحریک دے طور تے باقی رہنماواں نال مل کے شروع کیتا۔ انہاں دی انگریزی کتاب بریف آف بہاولپور پروونس دا اردو ترجمہ مقدمہ سرائیکستان دے ناں نال کیتا ڳئے۔
وفات
[لکھو | ماخذ وچ تبدیلی کرو]اُنہاں دی وفات 3 جولائی 1988ء کوں تھئی۔ اُنہاں کوں سرائیکی تحریک دے مُڈھلے اَتے اہم رہنماواں وِچوں ہِک سمجھیا ویندا ہے۔