حبیب مہاݨا تے سلیم شہزاد

وکیپیڈیا توں

حبیب مہاݨا[لکھو | ماخذ وچ تبدیلی کرو]

حبیب مہاݨا دا پہلا ناول ’’اللہ لہیسی مونجھاں‘‘ ۲۰۱۰ء تے ݙوجھا ’’کھڑی ݙیندی ہاں سنیہڑے‘‘ ۲۰۱۶ء وچ شائع تھیا۔ ناول ’’اللہ لہیسی مونجھاں‘‘ ہک استاد کے گرد گھمدی کہاݨی ہے۔ جیندے وچ ڈیرہ اسماعیل خاں دے دیہی سماج، ثقافت دی بھرنویں عکاسی کیتی ڳئی ہے۔ ایہ ناول فنی اعتبار نال کردار نگاری، مکالمے، اسلوب و بیاں ہے تناظر وچ عمدہ کوشش ہے۔

ایں ناول وچ سوانحی عنصر وی شامل ہے۔ ݙوجھا ناول ’’کھڑی ݙیندی ہاں سنیہڑے‘‘ سرائیکی وسیب دی تریمت دی حوصلہ مندی کوں وی نشابر کیتا ڳئے۔ تریمتائیت (Feminism) دے مطالعے سانگھے ایہ ناول اہم ہے۔ سلطانوں ایں ناول دی ہیروئن ہے۔ جیندے گرد ایہ ناول گھمدے۔

سلیم شہزاد[لکھو | ماخذ وچ تبدیلی کرو]

  • سلیم شہزاد دا ناول ’’گھاݨ‘‘ ہک علامتی ناول ہے۔ ایہ ناول سن ۲۰۱۲ء کوں جھوک پبلشرز ملتان توں شائع تھئے۔ ایں ناول دا انداز بیانیہ ہے تے علامتی کرداراں دے ذریعے مقامی تے بین الاقوامی مسائل وچ داپھیئے ہوئے لوکاں دے ݙکھ درد کوں بیان کیتا ڳئے۔ ایندے وچ کردار مکھی، مچھر، عام مخلوق ہے۔ دہشت گرداں کیتے ݙینبھوں دی علامت ورتی ڳئی ہے۔ استحصالی قوتاں کینویں زور آوری کریندین تے دنیا ݙاڑھیاں دے ݙڈھپ پاروں کینویں ’’گھاݨی‘‘ وات ہے۔ ناول آپݨے تجربے، پلاٹ، کردار نگاری، منظر نگاری دے حوالے نال کوں ݙوجھیاں اقوام دے ادب دے مقابل رکھیا ونڄ سڳدے۔
  • سلیم شہزاد دا ݙوجھا ناول ’’پلوتا‘‘ ہے ایہ ناول وی آپݨی وݨت، ٹیکنیک پاروں، سرائیکی لوک ادب وچ خوبصورت اضافہ تے تجربہ ہے۔ ایندا موضوع سرائیکی وسیب اُتے حملہ آوری دی کتھا ’’وَݨ پنڄ ہزاری‘‘ دے چو گرد گھمدی ہے۔ ایہ علامتی ناول ہے۔

ٻیا ݙیکھو[لکھو | ماخذ وچ تبدیلی کرو]

ٻاہرلے جوڑ[لکھو | ماخذ وچ تبدیلی کرو]