جنوبی افریقا وِچ زنانیاں
جنوبی افریقا وِچ زنانیاں (اردو: جنوبی افریقا میں خواتین) (انگریزی: Women in South Africa) انجو انج سماجی جَتّھیاں اَتے زمریاں وِچ ون٘ڈیاں ہوئیاں ہِن۔ روائتی طور تے جنوبی افریقا وِچ چِٹّے لوکاں دی چاہوݨ آلی حکومت رہی ہئی، جین٘دے وِچ کالے لوکاں توں نسلی امتیاز جاری ہئی۔ تاہم اِیہ سلسلہ مُکّݨ دے باوجود ناں تاں کالے لوکاں دی معاشی حالات مکمل طور تے سدھارے ون٘ڄ سڳین٘دے ہِن اَتے ناں سماجی نا برابری کوں مکمل طور تے پَرے کِیتا ون٘ج سڳیا ہِے۔ بھان٘ویں جو ماہرین عمرانیات اِیہ منین٘دے ہِن جو ہر ݙہاکے وِچ کئی مثبت پیش رفتاں اَتے انقلابی بَدلاؤ ݙِٹّھے ڳئے ہِن۔ مُلخ دے دارالحکومت کیپ ٹاؤن اَتے کئی وݙّے شہراں وِچ اِیہ بَدلاؤ تِکھائی نال پھیلدے رِیہے ہِن، جاں جو اندرلے علاقیاں وِچ قدامت پسندی دا یاں تاں اُوہا ٻول ٻالا ہِے یا وَل صورتِ حال وِچ ذری جِتّی گھٹائی یا چنڳائی ݙِٹّھی ڳئی ہِے۔
قتل[لکھو | ماخذ وچ تبدیلی کرو]
جنوبی افریقا وِچ ہر ترے گھنٹیاں دی اوسط دے حساب نال مُلخ وِچ ہِک زنانی کوں قتل کر ݙِتّا وین٘دا ہِے۔[١]
زبر زنا[لکھو | ماخذ وچ تبدیلی کرو]
جنوبی افریقا وِچ زبر زنا دے وی کئی واقعے پیش آئے ہِن، جِنّھاں دی وجہ توں لوک سڑکاں اُتے احتجاج کرین٘دے رِیہے ہِن۔ ٢٠١٩ء اِیں قبیل دے اُچیرے واقعے اِیں طرحاں ہِن:
- ١٤ ورھیاں دی سکول دی طالبہ جانیکا مولو کوں زبر زنا دا نشانہ بݨایا ڳیا۔ اَتے بعد وِچ قتل کر ݙِتّا ڳیا۔ اِیں کیس وِچ ہُم تئیں کوئی کارروائی نئیں تھئی۔
- ١٩ ورھیاں دی یونیورسٹی طالبہ کوں مبینہ طور تے پَھسا تے پوسٹ آفس وِچ قائم مرداں دے کوٹھے وِچ گِھن ون٘ڄیا ڳیا اَتے اُتّھاں اُون٘دے نال زبر زنا کِیتا ڳیا اَتے بعد وِچ مار ݙِتّا ڳیا۔
- ١٩ ورھیاں دی تھیولوجی طالبہ جیسی ہیس اپݨے بستر اُتے مرہ پاتی ڳئی جاں جو اِنّھاں دے ٨٥ ورھیاں دے ݙاݙا کوں ہَتھ پیر ٻَدھ تے ہن٘ڳݨ خانے وِچ بند کِیتا ڳیا ہئی۔
- ٢٥ ورھیاں دی باکسر بے بی لی کوں اِنّھاں دے پِچھوکڑ چھوہَر ٻیلی نے، جیڑھا ہِک پُلس افسر ہِے، اِنّھاں دی ڳݙِّی وِچ ڳولی مار ݙِتّی۔
ٻہوں وَدھ عمر دے فرق دیاں شادیاں[لکھو | ماخذ وچ تبدیلی کرو]
مُلخ وِچ جنسی عدم برابری دی ہِک شرمناک مثال چھوہِرِیں دا اپݨے توں ترے گنی عمر آلے مرداں دے نال شادی کرݨ ہِے۔ ٢٠١٧ء وِچ ہِک اِیہو جئیں وااقعے وِچ کیپ ٹاؤن وِچ ٢٩ ورھیاں کالے چھوہِر نے ٩٢ ورھیاں دے تاجر نال شادی کر گِھدّی۔[٢]