زنانیاں کوں اختیار آلا بݨاوݨ

زنانیاں کوں اختیار آلا بݨاوݨ (اردو: خواتین کو بااختیار بنانا)

اختیار

اختیار ہِک ساجھا وِچار ہِے جیڑھی شخصی، درونِ خانہ اَتے سماجی دی سطح اُتے برسرِ عمل ہون٘دا ہِے۔ زنانیت دے نظریہ سازاں نے زنانیاں کوں اختیار آلا بݨاوݨ دے انجو انج چار زاویے / نقاط لکّھے ہِن جیڑھے اِیں طرح ہِن:

چار زاویے

1. اندرلا اختیار، جیڑھی شخصی نفسیاتی اختیار توں متعلق ہِے، اختیار آلا کرݨ دا عمل کہِیں دے اندر خود اعتماد دا جذبہ اَتے عزّتِ نفس دی کیفیت کوں اُجاگر کر سڳدا ہِے جین٘دا جو اِیندے توں پہلاں فقدان رِیہا ہِے۔
2. فیصلہ کرݨ اَتے اُوندے اُتّے عمل کرݨ یا کرواوݨ دا اختیار جیڑھا تعلیم دے ذریعے انسانی سرمائے دی ترقی (Human Capital Development) اَتے مالکانہ حقوق (ملکیّت ہووݨ / بݨݨ) دے نال جُڑیا ہِے۔
3. اجتماعی عمل / ساجھا عمل، مسئلیاں دی یکسوئی اَتے حقوق شہریت اُتے دعویٰ کرݨ دے کَن مرکوز اختیار۔
4. عدم برابری اُتے مبنی سماجی اختیاراں آلے ڈھانچیاں کوں بدلݨ اَتے وَدھ تر سماج وِچ بنیادی، سیاسی اَتے معاشی صورت گری دا اختیار۔

نتیجیاں دا حصول

ایہ چار نُکاتی زاویے نتیجیاں دے حاصل کرݨ کِیتے آپتی طور تے مربوط، ڳن٘دھے ہوئے اَتے حرکیاتی سمجھے وین٘دے ہِن۔

زنانیاں دے حقوق

زنانیاں اپݨے اِنّھاں اختیاراں دی بحالی کِیتے ٻہوں سارے محاظاں اُتّے انجو انج تحریکاں چلائیاں ہِن اَتے جاری رکّھیاں ہِن، جِنّھاں وِچ: چوݨ، عوامی عہدہ رکّھݨ، کَم کرݨ، برابر اُجرت کماوݨ، جائیداد دی ملکیّت، تعلیم حاصل کرݨ، وعدہ کرݨ، پرنیوے وِچ برابر حقوق، اَتے ٻال ڄماوݨ دے ناغے دا حق ہِے۔ زنانیت دے تنظیماں نے قانوںی اسقاطِ حمل اَتے سماجی انتظاماں تئیں پُڄّݨ کُوں یقینی بݨائے، اَتے تِریمتِیں اَتے چھوہِریں کُوں زبر زنا، جنسی ہراسانی اَتے گھروڳی مار کُٹ تُوں بچاوݨ کِیتے وی کَم کِیتا ہِے، زنانیاں دے پہناوے دے معیار وِچ تبدیلیاں اَتے زنانیاں کِیتے قابلِ قبول جُسّے دی سرگرمیاں اکثر زنانیت دے تحریکاں دا حِصّہ رِیہاں ہِن۔

مرداں دی جاء تے جنگ وِچ لڑݨ آلیاں امریکی زنانیاں دی تصویر

ٻِیا ݙیکھو

• زنانیاں دا چوݨ دا حق
• زنانیاں دے حقوق
• زنانیاں دی تاریخ
• زنانی
• زنانیاں کِیتے مخصوص جاء
• اسلام وِچ زنانیاں
• مسیحیت وِچ زنانیاں
• یہودیت وِچ زنانیاں