بھوٹان وِچ زنانیاں

وکیپیڈیا توں
بھوٹان وِچ زنانی دی ہِک تصویر


بھوٹان وِچ زنانیاں (اردو: بھوٹان میں خواتین) (انگریزی: Women in Bhutan)۔ بھوٹان دے بارے وِچ ہِک عام تأثر اِیہ ہِے جو اِیہ ہِک بدھ مت دی اکثریتی مملکت ہووݨ دے نال نال ہِک رفاہی مملکت ہِے، جِتُّھوں دے رہوݨ آلے عام طور تے خوش حال ہِن۔ تاہم جدید تحقیق نال پتّہ لڳیا ہِے جو بھوٹان وِچ زنانیاں ظلم تے ستم دا شکار رِیہاں ہِن۔ اِنّھاں اُتّے خصوصی جسمانی تشدّد دے واقعے کثرت نال رونما تِھین٘دے ہِن اَتے اِیہ واقعے ٻہوں پھیلے ہوئے ہِن۔

زنانیاں دے حقوق[لکھو | ماخذ وچ تبدیلی کرو]

زنانیاں دے حقوق اَتے اِنّھاں دے تحفّظ کِیتے ہِک غیر سرکاری ادارہ "رینیو" بھوٹان وِچ سن ٢٠٠٤ء توں کَم کرین٘دا پِیا ہِے۔ اِیہ اِدارہ ٢٠١٦ء تئیں زنانیاں اُتے مار کُٹ دے ٤٠٠٠ معاملیاں دے نشان دہی کر چُکیا ہِے۔ اِیں ادارے دے ٢٤٠٠ توں وَدھ رضاکار زنانیاں اُتے مار کُٹ دے خلاف اَواز چین٘دے ہِن، اَتے معاشرے وِچ اِیں بارے وِچ اَگاہی پھیلاوݨ کِیتے کوشِتاں کرین٘دے ہِن۔ اِیں ادارے دی ہِک رضا کار ݙسین٘دی ہِے جو اِیہ اندازہ لایا ڳیا ہِے جو بھوٹان دی ٧٤ فیصد زنانیاں جسمانی مار کُٹ دا شکار رِیہاں ہِن۔[١]

عالمی صنفی درجہ بندی[لکھو | ماخذ وچ تبدیلی کرو]

صنفی فرق دی عالمی درجہ بندی رپورٹ ٢٠١٩ء دے مطابق بنگلہ دیش ٥٠، نیپال ١٠١، سری لنکا ١٠٢، بھارت ١١٢ ویں، مالدیپ ١٢٣، اَتے بھوٹان ١٣١ ویں لمبر تے ہِے۔ ماہرین دے مطابق، ١٥٣ مُلخاں وِچ پاکستان دا ١٥١ واں لمبر اُتے ہووݨ وَدھ چِنتا دا باعث ہِے۔[٢]

زنانیاں کوں اختیار آلا بݨاوݨ[لکھو | ماخذ وچ تبدیلی کرو]

بھارت دے گھروڳے صارفین دے استعمال آلے آلات بݨاوݨ آلی مہان٘دری کمپنی اوشا انٹرنیشنل لمیٹڈ نے جامع ترقی دے مقصد نال بھوٹان وِچ تارائین فاؤنڈیشن دے تعان نال سلائی سکول پروگرام ٢٠١٤ء وِچ شروع کِیتا ہِے۔ اِین٘دے تحت تقابلی اصول تے ضوابط دی بنیاد اُتے چُݨیاں ڳئیاں وِیہہ زنانیاں کوں تربیت کار دے طور تے مقرر کرݨ کِیتے ١٠ ݙیہاڑیاں دی تکنیکی تربیت ݙِتّی ویسی۔[٣]

ٻِیا ݙیکھو[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. بھوٹان کی 74 فیصد خواتین جسمانی تشدد کا شکار
  2. صنفی فرق کی عالمی درجہ بندی، پاکستان 153ملکوں میں 151 ویں نمبر پر
  3. اوشا انٹر نیشنل نے بھوٹان میں سلا ئی اسکول کا آغاز کیا