نیپال

نیپال براعظم ایشیاء دا ہک ملک ہے۔ دار الحکومت کھٹمنڈو ہے۔ نیپال نیپال (نیپالی: नेपाल‎ [neˈpal]) دا سرکاری ناں وفاقی جمہوری جمہوریہ نیپال ہے۔ ایہ جنوبی ایشیا دا ہک زمین بند ملک ہے۔ ایندا زیادہ تر حصہ سلسلہ کوہ ہمالیہ دے دامن وچ واقع ہے پر سندھ تے گنگا دے میدان دا کجھ حصہ وی نیپال وچ آندے۔ ایندی کل آبادی 26.4 ملین ہے تے آبادی دے لحاظ نال ایہ دنیا دا 48واں وݙا ملک ہے تے رقبے دے لحاظ نال دنیا دا 93واں وݙا ملک ہے۔ ایندیاں سرحداں شمال وچ چین، جنوب، مشرق تے مغرب وچ بھارت نال ملدیاں ہن۔ بنگلہ دیش ایں توں چھڑا 27 کلومیٹر دی دوری تے ہے۔ بھوٹان تے نیپال دے درمیان بھارت دی ریاست سکم ہے۔ نیپال دا جغرافیہ انتہائی متنوع ہے۔ اتھاں زرخیز میدانی زمین، جنگلاتی پہاڑ تے دنیا دیاں اٹھ اچیاں ترین پہاڑی چوٹیاں وی نیپال وچ ہن، بشمول سب توں زیادہ بلند پہاڑی چوٹی جیں کوں دنیا ماونٹ ایورسٹ دے ناں نال ڄاݨدی ہے۔ نیپال دا دارالحکومت کھٹمنڈو ہے تے ایہو ملک دا وݙا شہر وی ہے۔ نیپال وچ کئی نسلاں دے لوک رہندے ہن اتے نیپالی زبان اتھاں دی سرکاری زبان ہے۔