بھونگ

سرائیکی وسیب دا اِیہ خِطّہ لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔ اِتُّھوں دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

ضلع رحیم یار خان

جنوبی پنجاب دا ضلع رحیم یار خان، پنج ہزار سال پُراݨی تاریخ رکھدے۔ اِیندا پُراݨاں ناں ’’نوشہرہ‘‘ ہَئی۔ نواب صادق خان پنجم والی ریاست بہاول پُور نے اِیں شہر دا ناں اَپݨے وَݙے پُتر رحیم یار خان دے ناں نال رکھیا۔

بھونگ

جُغرافیہ

بھونگ ضلع رحیم یار خان دا ہِک چھوٹا ڄیہاں قصبہ، 25 کلو میٹر دے فاصلے تے ہِے۔

لوک ادب

بھونگ ضلع رحیم یار خان دا ہِک چھوٹا ڄیہاں قصبہ، 25 کلو میٹر دے فاصلے تے ہِے۔ تقریباً ست سو سال پہلے اِتھاں ہِک سرائیکی شاعر اَعظم چانڈیہ نے معراج نامہ لکھیا ہَئی۔ اِیں قصبے دِی ہِک عظیم الشان مسجد کُوں بین الاقوامی شہرت حاصل ہِے۔ اِیں مسجد کُوں 1986ء وِچ آغا خان ایوارڈ برائے اِسلامی فنِ تعمیر ݙِتا گیا۔ اِیہ مسجد، اِیں علاقے دے ہِک زمیندار رئیس غازی محمد نے بݨوائی۔ محقق شاعر اَتے ماہر لسانیات میر حسان الحیدری دا تعلق وِی اِتھائوں ہِے۔ میر حسان الحیدری سرائیکی اکیڈمی ملتان دے بانی ہِن۔ پنجاب یونیورسٹی لاہور توں چھپݨ والی، تاریخ اَدبیات وِچ مقالہ سرائیکی لوک ادب، ہِک اہم اَتے پہلی سرائیکی لوک ادبی تاریخ ہِے۔ جاوید حسان چانڈیو دا بنیادی تعلق اِتھائوں ہِے۔ جاوید حسان چانڈیو شعبہ سرائیکی اِسلامیہ یونیورسٹی، بہاول پور دے چیئرمین ہِن تے سرائیکی زبان و لوک ادب دے نامور اَسکالر ہِن۔ سرائیکی زبان دے شاعر راہی گٻول دا تعلق وِی بھونگ نال ہِے۔

حوالہ جات

۔ ۔ ۔ ۔ ۔ ۔ ۔