کاملہ شمسی

وکیپیڈیا توں
Jump to navigation Jump to search
کاملہ شمسی ٢٠١٦۔ ہے فیسٹیول دے وِچالے

کاملہ شمسی (اردو: کاملہ شمسی) (انگریزی: Kamila Shamsie) (ڄَمَّݨ دی تَرِیخ: ۱۳ اگست ۱۹۷۳ء) ہِک انگریزی ٻولی دی پاکستانی نژاد برطانوی مصنف زنانی اَتے ناول نگار ہِن جیڑھی اپݨے ایوارڈ یافتہ ناول "ہوم فائر" کِیتے مہان٘دری ہِن۔ اِنّھاں دی اَمّاں منیزہ ہاشمی وی مصنف زنانی ہَن۔

ابتدائی حیاتی اَتے تعلیم[لکھو | ماخذ وچ تبدیلی کرو]

کاملہ شمسی ١٣ اگست ١٩٧٣ء کُوں ہِک پاکستانی دانشور ٹَٻَّر وِچ ڄَمّی ہَن۔ اِنّھاں اَمّاں صحافی اَتے ایڈیٹر منیزہ ہاشمی ہَن۔ اِنّھاں دی ماسی مصنف زنانی عطیہ حسین ہَن اَتے اُوہ اردو دی مہان٘دری مصنف زنانی "جہاں آرا حبیب اللہ" دی پوتری ہِن۔ اِنّھاں دی پرورش کراچی وِچ تھئی جِتّھاں اِنّھاں نے کراچی گرائمر سکول وِچ تعلیم گِھدّی۔ اِنّھاں نے ہیملٹن کالج تُوں تخلیقی تحریر وِچ بی اے کِیتا ہِے اَتے میسا چوسٹس ایمہرسٹ یونیورسٹی وِچ شاعراں اَتے ادیباں کِیتے کرائے ون٘ڄݨ آلے ایم ایف اے پروگرام دے تحت گریجویشن کِیتا۔ اُوہ کشمیری شاعر آغا شاہد علی توں ٻہوں متأثر ہِن۔

کَم کار آلی حیاتی[لکھو | ماخذ وچ تبدیلی کرو]

کاملہ شمسی نے کالج وِچ رہن٘دے ہوئے اپݨا پہلا ناول "ان دی سٹی بائی دی سمندر" لِکّھیا ہئی اَتے اِیہ ١٩٩٨ء وِچ چَھپّیا ہئی جِہڑیلے اُوہ ٢٥ ورھیاں دی ہَن۔ اِیکُوں یو کے وِچ جان لیوللن رائس پرائز کِیتے چُݨیا ڳیا ہَئی اَتے کاملہ شمسی کُوں ١٩٩٩ء وِچ وزیرِ اعظم ایوارڈ برائے ادب برائے پاکستان مِلیا۔ اِنّھاں دا ݙوجھا ناول، "سالٹ اور زعفران" اِین٘دے بعد ٢٠٠٠ء وِچ چَھپّیا ہئی۔ اِنّھاں دے تریجھے ناول "کارٹو گرافی" (٢٠٠٢ء) کُوں وݙّے پیمانے تے تنقید دا نشانہ بݨایا ڳیا اَتے اُوکُوں برطانیہ وِچ جان لیویلین رائس ایوارڈ کِیتے چُݨیا ڳیا ہئی۔ کارتو گرافی اَتے اُنّھاں دے اڳلے ناول، "بروکن ورسیس" (٢٠٠٥ء) ݙُون٘ہائیں نے، اکادمی ادبیات پاکستان دی طرفوں پطرس بخاری ایوارڈ حاصل کِیتا۔ اِنّھاں دے پنڄویں ناول "برنٹ شیڈو" (٢٠٠٩ء) کُوں اوریج اِنام برائے افسانہ کِیتے شارٹ لسٹ کِیتا ڳیا ہئی اَتے افسانے کِیتے انیس فیلڈ-ولف بک ایوارڈ جِتّیا ہئی۔ خپدا کے ہر پتھر (٢٠١٤ء) کُوں ٢٠١٥ء  والٹر سکاٹ پرائز اَتے بیلیس ویمنز فکشن آف فکشن کِیتے چُݨیا ڳیا ہئی۔

ذاتی حیاتی[لکھو | ماخذ وچ تبدیلی کرو]

کاملہ شمسی نے ݙسایا ہِے جو اُوہ اپݨے آپ کُوں مسلمان منین٘دی ہِن۔ اُوہ ٢٠٠٧ء وِچ لندن چلّی ڳئی اَتے ہُݨ اُوہ برطانیہ اَتے پاکستان دی ݙوہڑی شہری ہِن۔

ٻاہرلے جوڑ[لکھو | ماخذ وچ تبدیلی کرو]