کالا ݙینہ
ڈو جون 1818 سرائیکی قوم دی تاریخ دا سیاہ باب اے جیندے نتیجے وچ سرائیکی دھرتی غلامی دے ایہو جیہے چنگل وچ پھنس گئی جتھوں نکلنڑ دی راہ پتہ نی کتنی دور اے .سرائیکی نیشنلسٹ تنظیماں احسن انداز نال اپنڑی جدوجہد جاری رکھے ھوئے ھن تے انشاءاللہ ضرور کامیاب تھیسن نواب مظفر خان تے آپ دی اولاد دی شہادت توں بعد سرائیکی صوبے تے رنجیت سنگھ دا قبضہ تھی گیا تے آپ دے باقی خاندان دا ملتان وچ رہونڑ ناممکن تھی گیا لہذا اپنڑی جان تے آبرو دی حفاظت دے کارن شہید نواب دے مظلوم خاندان نے بہاولپور ہجرت کر گھدی جینکوں نوابان بہاولپور دی طرفوں خوش آمدید آکھا گیا تے مظلوم خاندان دے لوگاں دی سرپرستی کیتی گئی تے نواب مظفر شہید دے خاندان کوں بھاولپور دے ھک محلے وچ آباد کیتا گیا تے اس محلے کوں محلہ نواباں دا ناں ڈتا گیا جیہڑا اج وی بہاولپور شہر دے درمیان موجود اے. تے نواب مظفر خان دے خاندان دے لوگ اج وی بہاولپور شہر دی زینت ھن.ضرورت ایں گال دی اے کہ سرائیکی تحریک کوں مضبوط کیتا ونجے تے بہاولپور تے ملتان دے الگ الگ صوبے دے شوشے ختم کر کے صرف سرائیکستان واسطے کم کیتا ونجے.شہزاد عرفان