ڈاکٹر عاشق ظفر بھٹی
آپ دا ڄمݨاں ضلع مظفر گڑھ دی تحصیل جتوئی دی وستی عنایت شاہ بھٹیاں وچ 1958کوں تھیا. آپ نے ابتدائی تعلیم مقامی مدرسہ توں گھدی ول شہر دے کالج وچوں ٻارھاں پاس کیتی. آپ بہاولپور مزید پڑھݨ سانگے چلے ڳئے. تے اتھوں یونیورسٹی وچوں چوݙاں پاس کیتی، ول آپ ڈی ایچ ایم ایس سانگے دیرہ غازیخان چلے گئے. اتھائیں آپ نے صحافتی سفر دا آغاز کیتا تے آپ صوبہ سرائیکستان دی تحریک نال جڑ گئے
سیاسی خدمات
[لکھو | ماخذ وچ تبدیلی کرو]آپ 1970-71 توں سرائیکی تحریک دا حصہ بݨ گئے. استاد فدا حسین ڳاݙی نے سرائیکی تحریک دے حوالے نال تربیت کیتی. باقاعدہ طور تے سرائیکستان قومی انقلابی پارٹی نال جڑ ڳئے جیندے صدد ملک منظور احمد بھوہڑ المعروف مولوی اللہ وسایا ھا. 1986کوں جتوئی دی تاریخ وچ پہلا جشن فرید سرائیکی میلہ کروایا جیندے وچ جھمرتاڑی، ملھݨ، گلوکاری، شاعری، تقریراں وغیرہ شامل ھن اے میلہ 2 ڄاہاڑے چلدا ھا. جیندے وچ مشہور سرائیکی گلوکار، مشہور سرائیکی گلوکار، سرائیکی جھمر پارٹیاں شرکت کریندیاں ھن. آخری میلہ 1993وچ کرایا اوندے بعد معاشی حالات تے کجھ مجبوریاں دی وجہ توں اے سلسلہ بند کرݨاں پئے گیا. جݙاں سرائیکی لوظاں دی تندیر بݨانوݨ کیتے اجلاس تھیا تاں آپ شریک ھن. جیہڑا جو اڄ تک ایں ڳالھ تے فخر محسوس کریندن. جو میݙے کیتے اے اعزاز ھ. بیرسٹر تاج محمد خان، صوفی تاج محمد خان گوپانگ، سئیں عاشق خان بزدار، سئیں حمید اصغر شاہین، کانجو صاحب کوں اپڑاں ساتھی آکھیندے ھن. تے ایں سنگت تے فخر محسوس کریندن. آپ اڄکل سرائیکی ورکراں دی خدمات کوں محفوظ کرݨ سانگے تے جدوجہد دیاں یاداں یاد رکھݨ سانگے ہک کتاب وی لکھیندے پن. جیند ناں وی رکھ گھدا ہینے. جیہڑی جو ٻہوں جلدی چھپݨ سانگے ݙے ݙیسن.
اولاد
[لکھو | ماخذ وچ تبدیلی کرو]آپ دے 6 چھی ٻال ھن جنہاں دے ناں تندیر وچ ہیٹھاں ݙتے کھڑے ھن 1. عمران ظفر سرائیکی 2. کامران ظفر بھٹی 3. حمیرا ظفر 4. علی جان 5. عدنان ظفر سرائیکی 6. سلمان ظفر
آپ نے اپڑیں ٻالاں دی تربیت وی سرائیکی صوبہ دی تحریک کوں مدنظر رکھدئیں کیتی ھ. آپ تے سارے ٻچڑے تے دھی راݨی وی سرائیکی تحریک دے کارکن ھن تے اپڑیں اپڑیں ڄاہ تحریک واسطے کم کریندے رہ ویندن.