استاد

کوئی علم یا ہنر سکھاوݨ آلے فرد کوں استاد آکھا ویندے۔ استاد کہیں وی معاشرے وچ استاد دا کردار معاشرتی روایات تے ریتاں تے منحصر ہوندے۔ ٻہوں سارے معاشریں وچ استاد یا استانی کوں صرف تعلیمی مضمون پڑھاوݨ دا ذریعہ سمجھا ویندے، پر ہک استاد دے فرض وچ ٻہوں ساریاں ٻیاں چیزاں وی شامل ہوندیاں ہن، جیویں جو ہدایات، پیشہ ورانہ تربیت، سماجی بہبود دا شعور تے زندگی وچ کامیابی کیتے ضروری ٻیاں صلاحیتاں۔ ایہ پیشہ اپݨے مقصد دے لحاظ نال نہایت پاک تے عزت آلا سمجھا ویندے کیوں جو ہک استاد ٻالیں دی چنڳی تربیت تے تعلیم ݙے تے اپݨی قوم دے مستقبل دی تعمیر کریندے۔