چننا پونو

چننا پونو

چنناپونو یا چننا پونو (اردو: چننا پونو) (انگریزی: Chinnaponnu) بھارت دی ریاست تمل ناڈو نال تعلق رکّھݨ آلی لوک اَتے پلے بیک ڳائیکہ ہِن۔

ابتدائی حیاتی

چنناپونو بھارت دی ریاست تمل ناڈو دے شہر سیواگنگا ضلع دے ہِک نِکّے جئیں دِیہ سرانام وِچ ڄَمّی ہئی۔ چننا پونو نے 13 سال دی عُمر وِچ مندراں اَتے گرجا گھراں دے تہواراں وِچ ڳاوݨ دا اَغاز کِیتا۔ این٘دے فوراً بعد اُنّھاں نے سنڳتی لوک فنکار کوٹائسمی نال مِلّݨ اَتے سِکّھݨ دے شون٘ق وِچ پیشہ ورانہ طور تے ڳاوݨ دا اَغاز کِیتا۔ بعد وِچ چننا پونو دی اَواز کوں کے اے گنسیکرن نے سُݨیا، جیڑھا تمل ناڈو دے لوک فنون اَتے لوک گِیتاں دے ماہر محقّق ہئی۔ جیندا بھارت دی کمیونسٹ پارٹی نال وی قریبی تعلق ہئی۔ گنسیکرن نے ریاست دے انجو انج حصیاں و،چ چننا پونو دی اَواز کوں فروغ ݙیوݨ وِچ مدد کِیتی۔

کَم کار

2004ء وِچ، چننا پونو نے رجنی کانت اور جیوتیکا اداکاری آلی ہٹ فلم چندرامکھی وِچ "وازھورین وازھورین" دے ڳاݨے دے نال پلے بیک ڳائیکی دی حیثیتنال تمل فلمی صنعت وِچ پیر رکّھیا۔ این٘دے نتیجے وِچ ٹیلی ویژن دی نمائش اتے ٻئے موسیقی ڈائریکٹر کوں چننا پونو وِچ دلچسپی پیدا تھی ڳئی۔

ذاتی حیاتی

1990ء وِچ چننا پونو نے تنجاور مریممہ مندر وِچ کمپوزر سیلوا کمار (جیڑھے عام طور تے کمار دے ناں نال سر انجام ݙیندے ہِن) نال شادی کیتی ہئی۔ اُوں ویلے توں اُنّھاں ݙُون٘ہائیں نے میوزک اَتے پیشکش نال اِی کِیتا ہِے۔