پٹھاݨے خاں
پٹھاݨے خاں (اصل ناں: غلام محمد) پاکستان نال تعلق رکھݨ والے سرائیکی زبان دے مشہور و معروف لوک گلوکار ہن۔ انہاں نے زیادہ تر کافیاں تے غزلاں گائیاں جیہڑے پاکستان تے دنیا وچ بہت مقبول تھئے۔
غلام محمد المعروف پٹھانے خان سرائیکی دے معروف گلوکار ھَن۔ انہاں نے زیادہ تر صوفیانہ کلام ڳائے، جیہڑے پاکستان تے دنیا بھر وچ بہت مقبول تھئیاں۔
فنی خدمات تے اعزازات[لکھو | ماخذ وچ تبدیلی کرو]
صوفيانہ کلام کوں دل دی گہرائياں دے نال ادا کرݨ دا خاص ہنر پٹھاݨے خاں دا اثاثہ ہئی. انہاں نے بابا بلھے شاہ دے کلام کوں اس دی تمام تر نزاکتاں دے نال گايا۔ استاد پٹھاݨے خاں دی گائیگی سرائیکی وسیب کیتے ہک اثاثہ ہے۔ استاد پٹھاݨے خاں نے خواجہ غلام فرید دی معروف کافی میڈا عشق وی توں، میڈا یار وی توں، کوں جس انداز نال گایا اوہ دل کوں چھو ویندا ہے۔ انہاں دا اے گیت اج وی مشہور ہے۔
حکومت پاکستان نے استاد پٹھاݨے خان کوں صدارتی اعزاز برائے حسن کارکردگی نال نوازا۔
بھٹو ولوں اعزاز[لکھو | ماخذ وچ تبدیلی کرو]
پٹھاݨے خان دی شہرت اس قدر ودھ گئی کہ 1976ء وچ سابق وزیراعظم ذوالفقارعلی بھٹو نے انہاں کوں ہک نجی محفل وچ پرفارمنس کیتے خاص طور تے مدعو کیتا تے رات بھر محفل سجی رہی۔ اس دوران جیہڑے ویلے پٹھاݨے خان نے’’جندڑی لٹی تیں یار سڄݨ‘‘ پیش کیتی تاں ذوالفقار علی بھٹو اس کلام کوں سݨدے ہوئے آبدیدہ تھی گئے ہن۔ اس موقع تے ذوالفقار علی بھٹو نے پٹھاݨے خان توں پچھا کہ کجھ چاہیدا اےے تاں انہاں دا آکھݨ ہئی کہ ’’ بھٹوصاحب تساں صرف غریب عوام دی مشکلات کوں دور کرݨ کیتے بہتر اقدامات کرو‘‘ اس تے سابق وزیراعظم نے پٹھاݨے خان کوں ڳل نال لا گھدا۔ پٹھاݨے خان نے دیگر مقامات تے ایسی ہی یادگار پرفارمنسز ݙتے کہ انہاں کوں کݙہیں فراموش نی کیتا ونج سڳدا۔ اج اوہ اس دنیا وچ نی رہے لیکن انہاں دا انمول فن ہمیشہ انہاں دے ناں کوں زندہ رکھسی.
پیدائش[لکھو | ماخذ وچ تبدیلی کرو]
غلام محمد عرف پٹھاݨے خاں دی پیدائش ء1926 وچ بستی تمبو والی وچ تھئی جیہڑی وسیب دے علاقے وچ صحرائے چولستان وچ واقع ہے۔
وفات[لکھو | ماخذ وچ تبدیلی کرو]
پٹھانے خان دی وفات جمعرات 9مارچ 2000 وچ ہوئی۔ آپ کوں کوٹ ادو ءِچ سپرد خاک کیتا ڳیا۔[١]