نور پور تھل (ضلع خوشاب)

تاریخ

آکھا ویندے جو نورپور تھل دا ایرا ہِک صوفی وݙکے ٻاٻا سید نُور حسن رکھا ہائی- سید صیہب دے نال اُنہیں دے ہِک سنڳتی، ڄیوَݨ راجپُوت وی آئے ہَن- ولا شاہ سئیں اتھاں ہِک کُھوہ وی کھٹوایا ہئی اتے نیڑے ای ہِک مسیت وی چا بݨوائی ہانے- وت اُتھائیں ݙیرے لا گِھدونے- اُنائیں دے ناں تُوں علاقے دا ناں وَستی نور پور رکھیڄ ڳیا ہئی-

١٧٥٤ء

نور پور تھل دا پہلا بندوبست مِسٹر سیمسن دی رکھی وچ تھیا، اتے پہلے بندوبست وچ نورپور تھل، لیہ دا حصہ ہائی-

١٧٦٥ء

کپتان ڈیوس (ݙپٹی کمشنر ضلع شاہ پور) نورپور دے ݙوجھے انتظام وچ اون٘کُوں ضلع شاہ پور نال رلا ݙِتا- اڳلا بندوبست ١٧٩٢ء وچ تھیا، اتے اوں ویلے سر ڄیمز ولسن ݙپٹی کمشنر ضلع شاہ پور ہئی- چھیکڑی بندوبست لی، ١٩١٣ء وچ کیتا ہا-

سمال ٹاؤن

١٩١٧ء وچ دولت رام دی رپورٹ تے ایکوں سمال ٹاؤن دا درجہ ݙتا ڳیا-

یونین کونسل

١٩٦٠ء وچ نورپور تھل کُوں یونین کونسل بݨایا ڳیا-

ٹاؤن کمیٹی

١٩٧٥ء وچ نورپور تھل، ٹاؤن کمیٹی تھی ڳیا ہئی-

تحصیل

جݙاں ١٩٧٢ء وچ خوشاب، شاہ پور چوں نختا اتے ضلع خوشاب تھیا، ہُوں ویلے نورپور تھل کوں تحصیل تھیوݨ دا درجہ ڈھیا-

خوشاب دی ݙوجھی وݙی تحصیل

نور پور تھل، ضلع خوشاب دی ݙوجھی وݙی تحصیل ہے- مغل شہنشاہ، شاہجہان دے دور وچ سید نور حسن غازی ایکوں آباد کیتا- ١٨٣٩ء تائیں اتھاں سکھاں دا قبضہ ریہا- اے علاقہ، ملتان تے لیہ دے زیرِ انصرام ریہا- ڈھڳ لڑائیاں تھیاں، جیندی وجہ کول ٻہوں مسلماݨ شہید تھئے- محمود شہید، نکڑو شہید اتے موسیٰ شہید دے ناں مشہور ہِن- نور پور، ١٧٥٤ء تائیں لیہ دا حصہ ہئی- وت ١٧٦٢ء وچ ایکوں فتح شیر ٹواݨہ، بنوں توں ہٹا تے ضلع شاہ پور وچ شامل کروایا ہئی- ١٩٧٣ء وچ ملک خدا بخش ٹواݨہ ایندا ناں، "نور پور تھل" رکھ ݙتا-

نور پور تھل دے یونین کونسلاں

تحصیل نور پور تھل دے ١١ یونین کونسلاں ہِن:

• آدھی کوٹ
• ڄمالی نور پور
• جؤڑا کلاں
• بؤرانہ
• جھارکل
• خائی خورد
• کھاٹواں بلوچ
• نورپور تھل
• پیلو ویْن٘س
• ڈھمک
• رنڳپور
• بِلند

مشہور سوغاتیں

اتھاں رقبہ صحرائی ہووݨ دی وجہ کول چݨے دا فصل ڳݙا ویندے- چݨے توں علاوہ اتھاں لکڑی دے کنگھیاں اتے لوئیاں ڈھیر مشہور ہِن-

میلہ ٻاٻا سیدݨ شاہ

اتھاں ہر سال ہک میلہ لڳدے، جیندا ناں ہے، میلہ ٻاٻا سیدݨ شاہ- میلہ نور پور تھل، ہک ٻہوں وݙے سرائیکی زبان دے ڳوئیے، طالب حسین درد دے مشہور تھیوݨ دی وجہ بݨیا ہا- ایکوں میلہ نور پور تھل وی آہدن-