میݙا قائد میݙا ہیرو
سرائیکی دھرتی دا ہک مہان انسان جنہاں دی پوری حیاتی اپنْی دھرتی اپنْے لوک تے انھاں دی حقوق دی جدوجہد ءچ لنگھا ڈتی۔ مضبوط نظریاتی بنیاداں، تاحیات انقلابی قومی جدوجہد تے سیاست ءچ صاف ستھرا ماضی میڈے قائد میڈے لیڈر سئیں تاج محمد خان لنگاہ توں علاوہ اے اعزاز پاکستان دی تاریخ ءچ کہیں سیاست دان کنیں کوئی نئیں۔ میکوں فخر ء جو میں لنگاہ صاحب نال پاکستان سرائیکی پارٹی دے بطور ڈپٹی سیکریٹری جنرل کئی سال کم کیتے۔
اج ہر موڑ تے انہاں دی یاد آندی ء۔ سئیں تاج محمد خان لنگاہ تے ملک عبداللہ عرفان ڈوہیں ہکے شہر کہروڑ پکا،۔۔۔۔۔۔ وستی کھاڑکیں تے وستی بھیئیں دے بنّا سانجھیاں ڈو وستیاں دے وسیندڑ ۔۔۔۔۔ کہروڑ پکا ہائی سکول ءچ چھوٹے لا دے یار تے جتھاں ڈونہاں کوں استاد فداحسین گاڈی سویں چناکیہ (چانکیہ) مہاراج دے خاص شگرد ہونْ دا اعزاز حاصل ء۔۔۔۔۔۔۔ چھوٹے لا توں استاد فدا حسین گاڈی سئیں انہاں ڈو بالاں دی تدریسی تعلیم دے نال نال نظریاتی تربیت مارکسی طرز فکر تے سرخ انقلابی جدوجہد دے ایریاں تے کیتی۔ ڈونہاں رل تے پاکستان سرائیکی پارٹی دی بنیاد رکھی - ہونہار سیانْا چانکیہ سرائیکی وسیب کوں چندرگپت تے اشوکا ہک واری وت ڈے گیا.