موسیقی تے ٹُکّر

چیزیں دا آپس اِچ تعلق ہک رُخہ نہیں کئی رُخا ہوندے،او تعلق بھانویں کتنا اِی معموی کیوں نہ نظر آندا ہووے اتنا اِی پیچیدہ ہوندے جتنا جو کئی ٻہوں پیچیدہ تے بظاہر نہ سمجھݨ آوݨ والا تعلق۔ تے اوں تعلق کوں قائم اِچ بے شمار تے نہ نظر آوݨ والے عوامل شامل ہوندن۔ چیزیں دے آپس دے ایں تعلق کوں سمجھݨ اِی زندگی کرݨ دا آرٹ ہے۔ جتنا کوئی ایں تعلق کوں سمجھݨ دی کوشش کریسی اتنا اِی او جیوݨ کوں بہ معنی کریسی۔ داݨے اتے روٹی دے تعلق کوں کتنا سوکھا ہے پر روٹی تے موسیقی دے تعلق کوں صرف او بندہ سمجھ سڳدے جَیں پوہ دے راتیں کوں کݨکیں پاݨی ل ایا ہووے یا جَیں جاڳ کے خواہ سی موسیقی سُݨی ہووے او ا،ی جاݨ سڳدے جو بھنگڑے دا رِدم دراصل کتھوں آئے کھوہ دے ٹھاکݨ دی آواز کنوں۔ ایں تعلق کوں ذرا اڳوں تے ودھاؤں تاں روٹی تے موسیقی دا تعلق وی سمجھ آسڳدے۔ بظاہر بے جوڑ تعلقات مل کے ہک وݙے سماجی عمل سی شکل بݨدِن تے اے سارے مِل کے ساݙے شخصی خدوخال دی صورت گری کریندن۔

ساوݨ دا پینگھیں نال تعلق باغیں دے بغیر ملکمل نہیں تھیندا،ہرباغ ساوݨ تے پینگھاں اڳوں کہیں انسانی تعلق نہیں جُڑدیاں تاں بے رنگ تھی ویندن۔ آخر کھمݨ کھمدی اے تاں خواجہ غلام فرید کوں جھوکاں کیوں یاد آوݨ پئے ویندے اوندے اَکھیں وچ جھڑی کیوں لڳ یوندے ہے۔ فرائڈ دے نزدیک نفرت دراصل کہیں شدید محبت دا نتیجہ ہوندی ہے تے کہیں کوں بھُلاوݨ دی خواہش دے پِچھوں اونکوں مِلݨ دا شدید جذبہ کار فرما ہوندے۔ نفرت،محبت دے شدید جذبے دی انتہا ہے۔ جیڑھلے ویلھے انہیں تعلقات کوں اساں کہیں متوازن شکل وچ گھن آںدے ہئیں تاں تعلقات دی ہک نویں نوعیت ساݙی سمجھ وچ آندی اے تے اتھائیں آکے عقل تے وجدان کہیں حدِ فاصل دے بغیر آپس اِچ مل ویندے تاں اتھاہیں ہک نویں Enlighten بندے دا ظہور تھیندے،پر اتنے اتنے تک پہنچݨ کیتے عاجزی کرب دے سوچ دے ہک ٻہوں وݙی دوذخ وچوں گزرݨا ہوندے۔ جے چیزیں دے ایں تعلق کوں اَنج اَنج کر کے ݙیکھوں تاں زندگی،تَتے کالے پیلے نکتے کنوں ودھ کجھ نہیں۔

ٻیا ݙیکھو

• سرائیکی ڈراما

• لوک کہاݨیاں دے ڈرامے

• سرائیکی وسیب وِچ تھیٹر
• سرائیکی افسانوی نثر
• سرائیکی لوک قصّہ۔ ۔ ۔ ۔ ۔ ۔ ۔