معاشرہ

"معاشرہ"

شہزادعرفان

انیس سو چھیاسی (1986) ءچ اساں پیو پُتربہاولپورءچوں سرائیکی اردو رسالہ "معاشرہ" کڈھا جیندے سرپرست تے اڈیٹر ملک عبداللہ عرفان تے میں بطور اسسٹنٹ اڈیٹر ہم ۔ اج ایندی پہلی کاپی ہتھ لگ گئی ءے۔ سوچے می جو سرائیکی تحریک دی تاریخ دے لہئی چاڑیہاں سمجھنْ کیتے نویں سوجھوان نسل کوں پچھلے پندھ دا ترلا سنگتیاں نال سانجھا کراں۔ اے میں ایڈیٹوریل شئیر پیا کرینداں جیہڑا ملک عبداللہ عرفان ہوراں لکھا ہا تڈہاں او سرائیکی لوک سانجھ تے سرائیکی صوبہ محاذ دے بنیادی عہدیدارتے انہاں تنظیماں دے خالقاں ءچوں ہن۔ اے سرائیکی سیاسی تحریک دا مُنڈھلا ایرا ہا جتھ "سرائیکی صوبہ محاذ" ایں تحریک دا پہلا سیاسی فرنٹ ہا۔ "سرائیکی لوک سانجھ" مسّیں ایں قابل تھئ ودی ہائی جو ثقافتی تحریک ءچوں سیاسی کیڈر پیدا کرسگے ۔ پر سبھے سیانْے سنگتیاں کنیں سوال اوہو پرانْا ہا جو حالی تئیں ہک وی سرائیکی پارٹی موجود نہ ہئی جیہڑی سرائیکی عوام دے سیاسی ثقافتی اقتصادی معاشی حقوق تے بلخصوص سرائیکی صوبے دے مطالبے کوں گھن تے ٹُرے تےنہ ہی ایں سارے مرحلے کوں پار کرنْ سانگھے کوئی وسائل ہن۔ جبکہ پاکستان دی تاریخ ءچ ہمیش توں ہر سیاسی تحریک تے اوندے نتیجے ءچ بنْن آلی سیاسی پارٹی تے "جمدی کوں پالا" پئے ویندا ہائی۔ اج وی پوندے ۔ جی ہا سئیں۔۔۔۔ تحریک چلاونْ کیتے سیاسی پارٹی دی لوڑھ >>> سیاسی پارٹی چلاونْ کیتے پیسے تےوسائل دی لوڑھ ۔>>>> پیسیاں تےوسائل کیتے ؟ ۔۔۔۔۔ یقیناََ وسائل آلے جاگیردار، سرمایہ دار، پیر گدی نشیں گودے، تمن دار وڈیرے سردار یا وت پاکستان دی فوجی اسٹبلشمنٹ گماشتے یعنی سرائیکی وسیب ءچ وستیاں توں لا شہراں تئیں درگے پنجابی اشرافیہ تے سرائیکی ُملاں دا گٹھ جوڑ۔۔۔۔۔ ایں توں علاوہ بیا کوئی رستہ ای نہ ہا ۔۔۔۔۔ ایتھوں سرائیکیاں دی تحریک تاں غریب کسان ہاریاں ، کھیت مزدور بُکھے ننگے مجبور لاچار عوام، بےروزگار مونجھے ماندے نوجوان نسل دے تمام حقوق دی بحالی دا ناں ہائی ، ایہے ڈینْں تاں خود آپ ہن جنہاں سرائیکی وسیب دا اے حال کیتا او بھلا کیوں سرائیکی تحریک دی حمایت کرن ہا۔ مُدا اے مُکا جو جیویں تیویں آپت ءچ ہک بئے توں منگ پن تے حالی تاں تحریک چلاؤں سیاسی پارٹی بنْاؤں وقت نال آپے ڈٹھا ویسی ۔۔۔۔۔ (گالھ مُہاڑ ٹُردی پئی ء) شہزاد عرفان