مسیحیت

وکیپیڈیا توں
Jump to navigation Jump to search
سینٹ پیٹر باسیلیکا، روم

۔ گرنتھیوں ١٥ باب ١ تا ٤ آیت ݙسیندی ھے ، ھُݨ اے بھراوو میں تہاکوں اُوہا خوشخبری ڄݨویندا ہاں جیڑھی پہلے ݙے چکا ہاں جیکوں تُساں قبول وی کر چکے ھاوے اتے جیں تے قائم وی ھیوے۔ ایندے وسیلہ نال تہاکوں نجات وی ملدی ھے بشرط اے جو او خوشخبری جو میں تہاکوں ݙتی ھئی یاد رکھیندے ھیوے ن تاں تہاݙا ایمان گھن آوݨ بے فائدہ تھیا۔ چنانچہ میں نے سبھ توں پہلے اوہا ڳالھ پُڄا ݙتی جیڑھی میݙے کول پُڄی ھئی جو مسیح کتاب مقدس دے مطابق اساݙے گناہیں کیتے موا۔ اتے دفن تھیا اتے تریجھے ݙینھ کتاب مقدس دے مطابق جی پیا۔"

ٻہوں تھوڑے جیہے لفظاں اچ اے مسیحیت دا ایمان ھے ، مسیحیت تمام ݙوجھے مذاہب توں بے مثال ھے ، کیوں جو مسیحیت تعلق دے بارے اچ ھے ، برعکس مذہبی عمل دے ۔ ایندے بجاءے جو اساں قوانین کیتے لمبی فہرست نال جُڑے رہوں ، ہک مسیحی دا مقصد اے ھوندے جو او خدا باپ دے نال ہک مضبوط ڳانڈھا رکھے ۔ اے ڳانڈھا ممکن بݨیا یسوع مسیح دے کام دی وجہ نال اتے حیاتی اچ مسیحی بݨ تے پاک روح دے ذریعے خدمت کرے۔

مسیحی ایمان رکھیندن جو کلامِ مقدس الھامی اتے ہر غلطی توں پاک خدا دا کلام ھے اتے ایندی تعلیم چھیکڑی اختیار ھے (تمھتیس ٣باب١٦ آیت، ٢۔ پطرس ١ باب ٢٠ تا ٢١ آیت) ۔ مسیحی ہک خدا تے یقین رکھیندن جیندے وچ ترائے شخصیات موجود ہِن ، پیئو ، پُتر (یسوع مسیح ) اتے پاک روح۔

مسیح ایمان رکھیندن جو بنی نوع انسان کوں خدا دے نال تعلق کیتے پیدا کیتا ڳیا ھا ، پر گناہ نے تمام انساناں کوں خدا توں انج کر ݙتا(رومیوں ٥ باب ١٢ آیت ، رومیوں ٣ باب ٢٣ آیت) ۔ مسیحیت تعلیم ݙتیندی ھے جو یسوع مسیح زمین تے آئے ، کامل خدا ، اتے نال ھی کامل انسان(فلیپوں ٢ باب ٦ تا ١١ آیت)، اتے صلیب تے جان ݙتی ۔ مسیحی ایمان رکھیندن جو صلیب تے موت دے بعد یسوع کوں دفنایا ڳیا ، او جی پیا ، اتے ہُݨ خدا دے دھنے ہتھ راہندے ، ایمانداراں کیتے ہمیشاں دی شفات کر ݙتی ھے ( عبرانیوں ٧ باب ٢٥ آیت) ۔ مسیحیت اعلان کریندی ہے جو یسوع دی صلیب تے موت ھی کافی ھئی جیندے نال مکمل طور تے گناہ دا کافارہ ادا کیتا ڳیا جݙن جو انسان گناہ دا مقروض ھا اتے اے خدا اتے انسان تے تُرٹے ھوئے رشتے کوں وَلا بحال کریندا ھے ( عبرانیوں ٩ باب ١١ تا ١٤ آیت)، عبرانیوں ١٠ باب ١٠ آیت ، رومیوں ٦ باب ٢٣ آیت، رومیوں ٥ باب ٨ آیت)۔

نجات حاصل کرݨ کیتے ضروری ھے جو صرف اپݨا مکمل ایمان مسیح دے صلیب تے ختم کیتے ڳئے کم تے رکھو ۔ اگر کوئی اے ایمان رکھیندے جو مسیح اوندے واسطے مریا اتے اوندے گناہیں واسطے قیمت ادا کیتی اتے ول جی پیا، تاں اوں شخص نجات پاتی ۔ اِتھاں کوئی چیز کائنی جیکوں کرݨ نال تساں نجات پا سڳو۔ کوئی وی "راستباز" خدا کوں خوش نئیں کر سڳدا ، او مرد ھووے یا تریمت ۔ کیوں جو اساں سبھے گناہ گار ہیں (یسعیاہ ٦٤ باب ٦ تا ٧ اایت یسعیاہ ٥٣ باب ٦ آیت) ۔ ݙوجھا ، ایں توں زیادہ کوئی کجھ نی کر سڳدا ، کیوں جو مسیح نے سبھ کجھ کر ݙتا جݙاں او صلیب تے ھا ، یسوع نے آکھیا ، " تمام تھیا" (یوحنا ١٩ باب ٣٠ آیت)۔

اِتھاں کوئی کم کائنی جیکوں کرݨ نال نجات حاصل کیتی ونڄ سڳے ، جݙاں کوئی مرد یا تریمت مسیح دے صلیب تے کیتے ڳئے کم تے یقین رکھیندے تاں اے ممکن ہی نئیں جو او مرد یا تریمت اپݨی نجات نجات کوں ونڄا ݙیوے۔ یاد رکھو ، کم پورا تھی ڳیا ھے اتے مسیح نے پورا کیتا ھے نجات پاوݨ کیتے محتاج کائنی جو اونکوں حاصل کریندا ھے۔

ہوڄما ١٠ باب ٢٧ تا ٢٩ آیت بیان کریندی ھے ، "میݙیاں بھیݨیں میݙی آواز سُݨدین اتے میں انہاں کوں ڄاݨدا اتے وہ میݙے پچھوں پچھوں ٹُردین اتے میں انہاں کوں ہمیشاں دی حیاتی بخشینداں اتے او ابد تک کݙاہیں ھلاک نہ ھوسن اتے کوئی انہاں کوں میݙے ہتھ وچوں کھس سڳسے ۔ میݙا پیئو جیں میکوں او ݙتے جیڑھا سبھ توں وݙا ھے اتے کوئی انہاں کوں اپݨے پیو دے ہتھاں توں نئیں کھس سڳدا۔"

کجھ اے سوچیندے ھوسن ، " اے ٻہوں چنڳا ھے ہک دفعہ میں نجات پاتی ھے ، میں اپݨی مرضی نال کجھ وی کر سڳدا ہاں اتے میں اُمی نجات نی ونڄا سڳدا" پر نجات دا ہرگز اے مطلب کوئنی جو تُساں بے باک تھی تے کجھ وی کرو۔ نجات پراݨی گناہ دی فطرت توں چھٹکارا ݙیویندی ھے اتے خدا دے نال چنڳے رشتے دی پیروی کرویندی ھے ۔ جتنی دیر تک ایماندار اپݨے گناہ آلودہ جسماں دے نال زمین تے راہسن ، اتھاں ثابت قدمی نال کوشش کریندے راہسن جو تہاکوں گناہ اچ نہ ڄاݨ ݙتے ۔ گناہ اچ رہݨ خدا دے نال اساݙے رشتے دی رکاوت ھے جو خدا بنی نوع انسان اچ ڳولیندے ، جتنی دیر تک کوئی ایماندار گناہ اچ حیاتی گزریندے ، او خدا دے نال رشتے دا مزا نی چا سڳدا جݙاں تءیں او خدا کوں مدِ نظر نہ رکھے ، تاھم ، مسیحی کوشش کر کے گناہ تے فتح یابی حاصل کر سڳدن ، کلامِ مقدس دا من تے اتے خدا دے کلام کوں اپݨی زندگیاں اچ لاگو کر کے اتے پاک روح دے اختیار نال جو کہ ، روحانی اثر اتے روز مرہ حیاتی اچ راہنمائی دی اطاعت کرے اتے روحانی طور تے خدا دے کلام دی تابعدار کرے۔

پس، جݙاں جو ٻہوں سارے مذھبی نظام کہیں شخص توں تقاضا نئیں کریندے جو او اے کرے اتے اے نہ کرے ، مسیحیت خدا دے نال تعلق رکھݨ دے بارے اچ ھے ، مسیحیت ایمان رکھݨ دے بارے اچ ھے جو مسیح نے صلیب تے اساݙے ذاتی گناہ کیتے اپݨی جان دی قیمت ادا کیتی اتے ول جی پیا ، تہاݙے گناہ دا قرض ادا کر ݙتا ڳئے اتے تُساں خدا دے نال رفاقت رکھ سڳدے ھو ، تُساں اپݨی گناہ بھری فطرت تے فتح پا سڳدے ھو اتے خدا دے نال رفاقت اتے تابعداری اچ رہ سڳدے ھو ، اے کلامِ مقدس دے مطابق سچی مسیحیت ھے

مزید ݙیکھو[لکھو | ماخذ وچ تبدیلی کرو]

حوالے[لکھو | ماخذ وچ تبدیلی کرو]