شوکت علی (ڳائیک)
شوکت علی ڳائیک (اردو: شوکت علی (گلوکار)) (انگریزی: Shaukat Ali) (ڄَمَّݨ دی تَرِیخ: ٣ مئی ١٩٤٤ء – فوت تِھیوݨ دی تَرِیخ: ٢ اپریل ٢٠٢١ء) جِنّھاں کُوں شوکت علی خان دے ناں نال وی سُن٘ڄاݨا وین٘دا ہِے۔[١] [٢]پاکستان دے ہِک لوک ڳائیک ہَن۔ ١٩٩٠ء وِچ صدرِ پاکستان نے اُنّھاں کُوں تمغائے حسنِ کارکردگی نال نوازیا۔[٣]
ابتدائی حیاتی اَتے کَم کار[لکھو | ماخذ وچ تبدیلی کرو]
شوکت علی ضلع گجرات (جیڑھا ہُݨ نویں ضلع منڈی بہاء الدین پنجاب، پاکستان وِچ آن٘دا ہِے) ملکوال وِچ فنکاراں دے ہِک ٹَٻَّر وِچ ٣ مئی ١٩٤٤ء کُوں ڄَمّے ہَن۔ شوکت علی نے ١٩٦٠ء دے ݙہاکے وِچ، جݙّݨ اُوہ کالج وِچ ہَن، اُݙِّݨ تُوں ڳاوݨ دا اَغاز کِیتا۔ جِہڑیلے وی شوکت علی کُوں مدد دی لوڑ پئی تاں اُنّھاں نے اپݨے وݙّے بِھرا عنایت علی خان تُوں مدد گِھدّی۔ شوکت علی کُوں پاکستانی فلمی دنیا وِچ ہِک مہان٘درا موسیقی ڈائریکٹر ایم شریف نے اپݨی پنجابی فلم "تیس مار خان (١٩٦٣ء)" وِچ ہِک پِچھوکڑ اَواز ڳائیک دے طور تے سُن٘ڄاݨ کرایا ہئی۔[٣]
شوکت علی نے ١٩٦٠ء دے ݙہاکے دے اَخِیر تُوں، غزل اَتے پنجابی لوک گِیت پیش کِیتے۔[٣] ہِک لوک ڳائیک دی حیثیّت نال، شوکت علی نہ صرف پنجاب، پاکستان جاں جو پنجاب، بھارت وِچ وی مہان٘درے ہَن۔ شوکت علی نے برطانیہ، کینیڈا اتے امریکہ دا پن٘دھ کِیتا اَتے اُتّھاں اپݨے فن تے کارکردگی دا مظاہرہ کِیتا۔[٣]
شوکت علی پاکستانی ڳائیک عمران شوکت علی، امیر شوکت علی اَتے محسن شوکت علی دے اَبَّا سئیں ہِن۔[٢][٤]
ایوارڈ اَتے پِچھاݨ[لکھو | ماخذ وچ تبدیلی کرو]
- ١٩٩٠ء وِچ صدرِ پاکستان نے تمغائے حسنِ کارکردگی نال نوازیا۔[٣]
دُھم پاوݨ آلے گِیت[لکھو | ماخذ وچ تبدیلی کرو]
- سیف الملوک (میاں محمد بخش)
- ہیر وارث شاہ (وارث شاہ)
- ساتھیو! مجاہدو! جاگ اٹھا ہے سارا وطن
- توں وی حق دا ولی
- ساڈے یار نے بنھ لیے سہرے
- تیری میری ایہ ازلاں دی یاری
- کیوں دور دور رہندے او
- کدی تے ہَس بول وے
- چھلا
- جگا
- ماݨ
- جنت دا پڑچھاواں
وفات[لکھو | ماخذ وچ تبدیلی کرو]
٢ اپریل ٢٠٢١ء کُوں ٧٧ ورھیاں دی عُمر وِچ لاہور وِچ جِگر دی بِماری دے پارُوں فوت تھئے۔ [٥]
حوالہ جات[لکھو | ماخذ وچ تبدیلی کرو]
- ↑ شوکت علی کُوں تمغائے حسنِ کارکردگی ݙِتّا ڳیا۔ ٢١ جولائی ٢٠١٣ کُوں لاہور دے دی ایکسپریس ٹریبیون انگریزی اخبار تُوں ٢٧ فروری ٢٠٢٢ء کُوں گِھدّا ڳیا۔
- ↑ ٢.٠ ٢.١ نویں ڈاکومنٹری وِچ لوک ڳائیک شوکت دی موسیقی۔ یکم جولائی ٢٠١٧ دے دی ایکسپریس ٹریبیون لاہور تُوں 27 فروری 2022ء کُوں گِھدّا ڳیا۔
- ↑ ٣.٠ ٣.١ ٣.٢ ٣.٣ ٣.٤ شوکت علی ہِک غیر متنازعہ لوک ڳائیک۔ ٦ اکتوبر ٢٠١٧ دے ڈیلی ٹائمز (انگریزی اخبار) تُوں 27 فروری 2022 کُوں آرکائیو کِیتا ڳیا۔
- ↑ مغربی تہذیب پاکستانیاں اَتے بھارتیاں کُوں متأثر کرین٘دے ہوئے۔ Kurukshetra, December 11 ٢٠٠٤ء دے انگریزی مضمون تُوں 27 فروری 2022ء کُوں گِھدّا ڳیا۔
- ↑ لوک ڳائیک شوکت علی فوت تِھی ڳئے۔ جیو ٹی وی دی انگریزی ٻولی وِچ خبر تُوں ٢٧ اکتوبر ٢٠٢٢ء کُوں گِھدّا ڳیا۔