شازیہ خشک

شازیہ خشک (اردو: شازیہ خشک) (ڄَمَّݨ دی تَرِیخ: ستمبر ١٩٧٠ء، جامشورو)، ہِک پاکستانی سابقہ لوک ڳائیکہ ہِن۔ اُوہ سندھی، بلوچی، سرائیکی، اردو، کشمیری، بروہوی اتے پنجابی وِچ ڳان٘دے ہِن۔

حیاتی دا احوال

شازیہ خشک جامشورو وِچ ڄَمّے ہَن۔ اُنّھاں نے اپݨے پئے دے حون٘صلہ ودھارݨ تے ١٩٩٢ء وِچ ہِک شو کِیتے ڈیبیو کِیتا، جین٘دے بارے وِچ شازیہ دا اکھاݨ ہِے:

"میڈا پئے اکثر میکُوں اَواز دی ملکہ آہْدا ہِے"

اُوہ ترے مہان٘درے ٻولیاں سندھی، بلوچی اتے سرائیکی دی ڳائیکہ ٻݨ تے اُبھرے۔ اِنّھاں دا پہلا ڳاݨاں "مارا اودھیتا پکھیئڑا کدی آؤ نہ مارے دیس" نے دیس بھر وِچ اِین٘دا ناں مہان٘درا تِھیا۔

میراث

• شازیہ خشک نے ہُݨ تئیں تقریباً پنڄ سو تُوں وَدھ ڳاݨے ڳائے ہِن، جیڑھے دُنیا دے ٤٥ مُلخاں وِچ اپݨے فن دا مظاہرہ کر چُکّے ہِن۔ امریکی قونصل خانہ، کراچی نے شازیہ کُوں "خیر سڳالی سفیر" دے طور تے چُݨیا ہئی۔
• سندھ یونیورسٹی، جامشورو نے اُنّھاں کُوں "تصوف – لوک موسیقی" کِیتے اعزازی فیلو شپ نال نوازیا۔
• اُنّھاں نے ازبکستان دی حکومت تُوں "صدارتی ایوارڈ" حاصل کِیتا۔

ایوارڈ

• شازیہ خشک نے سندھ یونیورسٹی تُوں تصوّف اَتے لوک موسیقی وِچ اعزازی فیلو شِپ حاصل کِیتی۔
• ازبکستان حکومت نے انّھاں دی ڳائیکی کُوں سراہن٘دے ہوئے اِنّھاں کُوں صدارتی ایوارڈ نال نوازیا ہئی۔

موسیقی تُوں وکھریپا

٢٠١٩ء وِچ، شازیہ خشک نے اعلان کِیتا جو اُنّھاں نے میوزک انڈسٹری تُوں وکھریپا کرݨ دا فیصلہ کِیتا ہِے۔ اَتے اُوہ اپݨی ساری حیاتی اسلام دی خدمت وِچ لنگھیسِن۔

ڳاݨے

اِنّھاں دے دُھم پاوݨ آلے ڳاݨیاں وِچُوں کُجھ اِیہ ہِن:

• روبرو یار
• تیرا نام لیا
• لال میری پت راکھیو
• نیانی نیمانی
• مارا اودھیتا پکھیئڑا کدی آو نا ماری دیش
• الے موہینجا ماروڑاہ