سرائیکی زبان دیوناگری وچ

وچ سرائیکی مقامی زبان ہے، بھارتی ریاست پنجاب، ہریانہ تے دلی وچ ویہ فیصد سرائیکی رہندن۔

راجپورہ ضلع پٹیالہ وچ سو فیصد سرائیکی رہندن۔

پٹیالہ، راجپورا، تری پورا، سماݨہ، بسی پٹھاݨاں، بھیوانی، حصار، سرسا، تری پری، کرنال، پانی پت، انوپ گڑھ راج، کرنال شہر، پلوال، سفیدون ضلع ڄِنڈ، سونی پت، ہانسی، راٹیہ، بروالا، کڑکشیترا، جمنا نگر( یمنابگر) وچ سرائیکی پنجاہ فیصد کنوں ودھ ہن۔ تاراواری تے راجپورا وچ سو فیصد سرائیکی راہندے ہن۔۔

بھارت وچ تعلیم

پنجاب۔ ہریانہ، راجھستان تے دلی وچ ہندی پہلی کنوں لازمی ہن۔ پڑھے لکھے لوک دیوناگری رسم الخط نال واقف ہن۔ اردو پڑھݨ آلے ٻہوں گھٹ ہن۔ ایں سانگے بھارت دے سرائیکی ، سرائیکی زبان کوں دیو ناگری وچ لکھݨ پڑھݨ پسند کریندے ہن۔

خاص سرائیکی حروف

سرائیکی عربی حروف وچ کجھ اضافی حروف شامل کر تے لکھی ویندی ہے۔ دیوناگری وچ انہاں دے متبادل حروف موجود ہن۔ ایہ او حروف ہن جہڑے اردو تے ہندی زبان دی صوتاں وچ شامل کائنی، پر دیو ناگری دے ١٢٨ منظور تھئے ہوئے حروف وچ شامل ہن۔

	دیوناگری حروف	سرائیکی حروف
١	ॿ	ٻ
٢	ॼ	ڄ
٣	ॾ	ݙ
٤	ॻ	ڳ
٥	ण	ݨ
٦	ञ	ن٘ڄ
٧	ङ	ن٘ڳ

سرائیکی دیوناگری کنورٹر

سرائیکی کنوں دیوناگری تے دیوناگری کنوں سرائیکی حروف وچ عبارت کوں تبدیل کرݨ دا آن لائن پروگرام موجود ہے پیا۔ تساں آسانی نال رسم لکھت وٹا سڳدے ہو۔ پر ایہ ویب سائٹ اڄکل بند ہے.

ٻیا پڑھو

• سندھی زبان دیوناگری وچ