سرائیکی تے قوم پرست وچ فرق

"میں سرائیکی آں پر قوم پرست نمہی"

جݙاں ست تے چار قومی زبانیں دا بل سینیٹ وچ پیش تھیا تاں سرائیکی سنگت نال رل سینیٹرز نال لابی کیتی۔ ست زبانیں دے بل پیش کرݨ آلے سینیٹر کریم احمد خواجہ دی حوصلہ افزائی کیتی۔ سینیٹ دی قائمہ کمیٹی دے میٹنگز وچ شریک تھیم۔ سینیٹ دی قائمہ کمیٹی جݙاں عوامی سماعت کیتی تاں اوندے وچ سنگت نال رل چار زبانیں دے بل دی مخالفت کیتی۔ سرائیکی ٻولی دا کیس پیش کیتا۔ شاکا سانگھڑی(مشتاق گاڈی)

اے ہے شاکا گاڈی صیحب دا اعتراف جیہڑا انھاں بطور یاداشتی نوٹ اپنْے زاتی رسالے ءچ چھاپے ۔۔۔ جیویں شاکا بھائی جان فرمیندن جو" میں سینیٹرز نال لابی کیتی۔۔۔سینیٹ دی قائمہ کمیٹی دے میٹنگز وچ شریک تھیم۔۔۔۔۔ بل دے حق وچ جݙاں اساں کُجھ سرائیکیں سینیٹ دے چیرمین رضا ربانی کوں ملݨ دی درخواست کیتی تاں اُنہیں چٹا انکارکر ݙتا۔" ۔۔۔۔۔۔

اتھاں سوال اے پیدا تھیندے جو اتنے اہم سرائیکی تاریخی ایشو تے پی پی دے وڈ پردھان سینیٹرز کوں اپنْی ذاتی انفرادی کپیسٹی حیثیت ءچ کلھے کلھے ملنْ، لابنگ کرنْ دی بجائے اسلام آباد ڈی جی خان بہاولپور ڈی آئی خان وسیب ءچ کتھائیں وی اتنے اہم ایشو تے کال کیوں نہ کیتی گئی ۔۔۔۔۔۔؟ بل جمع تھیونْ تو پہلے دوستاں کوں اعتماد ءچ گھن تے گالھ مُہاڑ ٹوری ونج سگدی ہئی ، کٹھ سڈا ونج سگدا ہا ، پروٹسٹ کرایا ونج سکدا ہا، ہک اخباری بیانات دا سلسلہ جاری کروایا ونج سگدا ہا تاکہ پیپلزپارٹی کوں احساس تھیوے ہا کہ سرائیکی لوک عوام ہوشیاربیٹھن کھاویسن ۔۔۔اویں تاں این جی اوز دے سرائیکی کٹھ ، رُٹھے یار مناونْ دے کٹھ۔۔۔۔۔ وغیرہ وغیرہ دی تاریخ بھری پئی ءے ، اسلام آباد ءچ وی آئے ڈنھہ سرائیکی کٹھ تھیندے رہندن ۔۔۔۔ تُساں جانْدے ہاوے انھاں چار باندراں نال رابطہ ءچ ہاوے تے سرائیکی قوم کوں وقتی آگاہ اُشناک کیوں نہ کیتا اساں سارے سرائیکی اکٹوسٹس سنگتیاں کوں ہک کال ان ٹائم فون تے ڈیو ہا تے کیا پورے سرائیکی وسیب ءچ مطالبہ دی شکل نہ بنْ ونجے ہا ۔۔۔ اے تہاڈا سرائیکی قوم تے وڈا تاریخی احسان ہو وے ہا۔۔۔۔اساں پیپلز پارٹی نال کیا گلہ کروں جتھاں اساڈے اپنْے ساکوں اندھیرے ءچ رکھے۔۔ اج دے جہاڑے پاکستان ءچ زبان دی بنیاد تے بئی کوئی ایسی سیاسی قومی تحریک کوئی نئیں جتنی سرائیکی تحریک دی محنت تے قربانیاں تے مدت ءچ ہے۔ ایندا مطلب اے ء جو پورے سرائیکی وسیب کوں عوام کوں اندھیرے ءچ رکھ تے دھوکہ ڈتے فراڈ کیتے یا وت پیپلز پارٹی دے کارکن جیالا ہونْ دا ایتلا مانْ ہا جو اساں جیویں اکھیسوں اگلے من ویسن ۔۔۔۔۔۔ یار تساں کیوں بھُل گئے جو ڈوبندے ہک حاضر سروس تے بیا ریٹائرڈ سرکاری ملازم دی اسٹیبلشمنٹ دے اگوں کیا حیثیت جو تہاڈے آکھنْ تے او اتنا وڈا فیصلا چاکرن۔۔۔۔۔۔ جنہاں تاج محمد خان لنگاہ سویں زیرک سیاست دان کوں قابو نہ ڈتہ او ڈو استاد صاحبان دے اگوں لیٹ پوسن ۔۔۔۔۔ جتھاں پیپلزپارٹی نے اپنْاں ہوم ورک کیتے بغیر یا دانستہ سوچے سمجھے منصوبے دے تحت اے کم کیتے اینویں انھاں ڈو دانشوراں دا کم ہے جو پوری سرائیکی قوم کوں اندھرے ءچ رکھ تے ٹُر پئین پی پی کنیں تمغے گھننْ۔۔۔۔۔ تساں ڈساؤ جو پی پی دا کیڑھا وڈے کنیں وڈا سرائیکی جیالا ایسا ہے جئیں پی پی دی ایں بھونڈی حرکت اُتے سخت تنقید تے احتجاج نہ کریندا پیا ہوے۔۔۔۔سوشل میڈیا بھرا پئے احتجاج نال پی پی پی دی ایں مزموم حرکت تے پر جیڑھیلے دوجھے جہاڑے سرائیکی عوام دا اتنا وڈا ردعمل سامنے آندے تاں اے ڈو سرائیکی دانشور اسلام آباد ءچ رات دے اندھیرے ءچ ول پی پی دی لوکل قیادت کوں ونج تے اے آکھدن جو" تساں فکر نہ کرو اساں سرائیکیاں نال رابطے ءچ ہیں ۔ سرائیکی عوام کاوڑ ءچ ہے اساں الیکشن تئیں معاملہ ٹھڈا کرڈکھیسوں" ۔۔۔۔۔۔ وت ڈساؤ کیا اے گالھ ٹھاندی ہے انہاں سویں سرائیکی دانشوراں کوں ۔۔۔۔ شاکا گاڈی یا سانگھڑی تساں آکھے وے میں سرائیکی آں پر قوم پرست نمہی اساں آہدے ہیں اساں ترقی پسند قوم پرست سرائیکی ہیں جیہڑے طبقاتی جدوجہد کوں قومی ثقافتی تہذیبی جدوجہد نال جوڑ تے ٹردے پئے ہیں۔ ایں وسطے اساڈے کیتے ن لیگ، پیپلز پارٹی، تحریک انصاف تے بئی تمام مذہبی جماعتاں صرف اسٹبلشمنٹ دی ذیلی بغلبچہ تنظیماں ہن ۔ ہنْ تئیں سرائیکی عوام کوں پی پی دے پچھوں ٹرنْ دی ناکام کوشش کیتی وے ۔ ہمیشہ پاکستان سرائیکی پارٹی تے بئے خالصتاََ سرائیکی چھوٹے وڈے گروپس کوں اسلام آباد سڈ تے ہک بئے دے خلاف کریندے رہ گئے وے تاکہ ایندا فائیدہ پی پی کو ملے۔ افسوس ء تہاڈی ساست تے۔ سرائیکی حقوق صرف سرائیکی دھرتی دی سرائیکی تحریک ءچوں نکلی کوئی وی سرائیکی پارٹی بحال کرویسی اج نئیں تاں کل ایہو تھیسی ضرور۔ اساں پاکستان سرائیکی پارٹی دے کارکن ہیں عہدےدار ہیں اپنْی سرائیکی پارٹی کوں واپس تاج محمد لنگاہ قائد سرائیکی دی خواباں دی تعبیر کریسوں۔ اج قائد سرائیکی سئیں تاج لنگاہ، عبداللہ عرفان، جام تاج برڑہ، افضل مسعود،رضوشاہ، اسداللہ خان لنگاہ، لائق خان جوئیہ تے بئے سینئرز دوستاں دی کمی محسوس تھیندی پئی ء۔ نتاں اج انھاں ڈو دانشوراں توں سیاست ءچ اے طفلانہ حرکت نہ تھیندی جو پوری سرائیکی قوم سرائیکی صوبہ چھوڑ خود اپنْی بولی دے قومی حق توں محروم تھئی کھڑیء۔ میکوں یقین ء جو اج پوری سرائیکی قوم پیپلز پارٹی دے ہتھوں جیڑھے درد تے ازیت ءچوں گزردی پئی ء نال ای ہک پاسے اشارہ وی ڈتی ویندی ء جو اساکوں اج وی تے کل وی اپنْی سرائیکی پارٹی دی لوڑھ ء جیڑھی صرف سرائیکیاں دے حقوق دی گالھ کرے ہر موقع تے سرائیکی حقوق دا تحفظ کرے ۔دوستو اساڈے کنیں بہوں وڈی سرائیکی تحریک موجود ء کئی چھوٹے وڈے سرائیکی سیاسی گروپس ہن تے سب تو ودھ تہاڈی اپنْی پاکستان سرائیکی پارٹی موجود ء جئیں اج تئں سرائیکی حقوق دی جنگ لڑی ء ۔ پر امن رہ تے وڈے وڈے تاریخی فیصلے انہاں ڈینْیں توں کرائین۔ لنگاہ صاحب دی وفات دے بعد بے شک سرائیکی پارٹی اتنی فعال نئیں کیوں جو قائد دی وفات دے بعد سرائیکی عوام پیپلزپارٹی، ن لیگ تے پی ٹی آئی کوں اپنْا نجات دہندہ سمجھ بیٹھے ہن تساں آپ خود پیپلز پارٹی دا تماشہ ڈٹھی بیٹھے وے ۔اج ضرورت ء جو سبھے سرائیکی تحریک دے سیاسی کارکن لیڈرز ادیب فنکار صحافی دانشور وکلا طلباء تریمتیں رل تے اپنْی سرائیکی پارٹی کوں فعال کروں ۔ وقت دے نال نال ڈھاندے پوندے پُج ویسوں منزل تے پر اساں سرائیکیاں کوں ول کوئی ممدو کھدو دھوکہ نہ ڈیسی۔اساں سرائیکی تحریک دے خلاف ہر قسم دی سازش کوں منہہ ڈیسوں بھانویں او سازش کوئی وڈی مہان پارٹی کرے، سرکار کرے، تے بھانویں سرائیکی دانشور ۔۔۔۔۔ اساں سرائیکی پارٹی دے ادنا کارکن سامنْے کھڑے ہیں ۔۔۔

شہزاد عرفان