سرائیکی ادب ریت تے روایت
ڈاکٹر طاہر تونسوی دی کتاب "سرائیکی ادب ریت تے روایت" اُنہاں دے تحقیقی ، تنقیدی مضامین اتے مختلف کانفرنساں وچ پڑھے ڳئے مقالات دا مجموعہ ہے ۔ اُنہاں دی ایہ کتاب سرائیکی ادبی بورڈ (رجسٹرڈ) ملتان دی طرفوں، جنوری سن 2010ء وچ، ݙوجھی وار چھپی ہے جاں جو ایندی پہلی اشاعت مارچ 1993ء دی ہے ۔ ایں کتاب وچ تریہہ (30)تحقیقی، تنقیدی مضامین شامل ہن جنہاں دی تندیر کجھ ایں طرحاں ہے ۔
- سرائیکی دا کلاسیکی ادب
- سرائیکی وچ مرثیے دی روایت
- سرائیکی ادب وچ اسلامی تہذیب دے عناصر
- سرائیکی وچ داستاناں دی روایت
- تحریک آزادی وچ سرائیکی دا حصہ
- نویں سرائیکی شاعری
- قومی ادب دے ودھا وچ علاقائی زبانیں دا حصہ
- سرائیکی زبان دی شہکار مثنوی… سیفل نامہ
- سرائیکی افسانے دی ٹور
- سرائیکی وچ تراجم
- سرائیکی زبان وچ ڈرامہ
- سرائیکی ادب وچ طنز و مزاح
- سرائیکی وچ منظوم تراجم
- سرائیکی ادب وچ سفر نامے
- سرائیکی وچ ہائیکو
- سرائیکی شاعری وچ مقام حسینؓ
- سرائیکی دا پہلا افسانہ نگار
- خواجہ فریدؒ دے کلام وچ عشقیہ داستاناں
- خواجہ فریدؒ دے کلام وچ ریتاں
- سرائیکی دا ہک گُمنام شاعر …خوشدل
- سرائیکی دا ہک قدیم شاعر…گانمن ملتانی
- پیت دے پندھ دا سنجا کا پندھیڑو
- ویلے دی کُوک تے ݙکھ دی جَنج دا شاعر(اقبال سوکڑی)
- شاکر تونسوی دی غزل
- سرائیکی شاعری دا گو تم… ممتاز حیدر ڈاہر
- سرائیکی وسیب دے پس منظر دا شاعر…محمد سلیم احسن
- سرائیکی فکشن تے ظفر لاشاری
- پیار پریت دی ریت دا شاعر…فاروق روکھڑی
- ’’کونین دا والی‘‘ تے ہک نظر
- سرائیکی ادب دے چار سال
ڈاکٹر طاہر تونسوی دی کتاب "سرائیکی ادب ریت روایت" بھانویں جو تنقیدی و تحقیقی مضامین دا مجموعہ ہے مگر ایندے مضامین وچ ادبی شخصیات شاعراں، ادیباں سرائیکی ادب دیاں اصناف، تے کتابیات خاص طور تے کلاسیکی ادب بارے ٻہوں سارا تحقیقی مواد اینجھا مل ویندے جیندے نال سرائیکی ادبی تاریخ وچ حقائق دی تصحیح وچ مدد مل سگدی ہے۔[١]
ٻیا ݙیکھو[لکھو | ماخذ وچ تبدیلی کرو]
حوالہ جات[لکھو | ماخذ وچ تبدیلی کرو]
- ↑ از: سئیں ڈاکٹر خالد اقبال۔ مقالہ پی ایچ ڈی۔