ساکُوں آپݨیاں گھانڑِیں وَات ݙِتےِ

سیئں سرائیکی ءِچ مزاحمتی شاعری اَڄ کل وَݙے عُروج تے ہِے، ٻَہوں لوکاں نے طبع آزمائی کِیتی ہِے۔ سیئں ابن کلیم نے وِی بے دھڑک تھِی تے مزاحمتی شاعری ءِچ آپݨا کمال ݙِکھا ݙِتّے۔ سیئں ڈاکٹر مہر عبدالحق کار ہَن اُنہاں نے وِی ابنِ کلیم دِی مزاحمتی شاعری دِی تعریف کِیتی ھَئی۔ سیئں عاشق بُزدار دی ہِک مشہور نظم "اَساں قیدی تخت لہودے" دے حوالے نال سیئں ابنِ کلیم نے اِے نوِیں نظم ترقی پَسند سوچ دے مطابق لِکھّی ہِے ڄیکوں پڑھ تے اِے گالھ وِی حقیقت وَانگوں سامݨے آویندی ہِے ڄو مدینۃ الاولیاء ملتان دے پُشتِینی حکمران خانداناں نے وِی اِیں عظیم شہر اَتے اِیندے واسِیاں کُوں محرومیاں دا شکار کر چھوڑا، ہیں سانگے ملتان دے وَاسی اے ڳالھ سوچݨ ءِچ حق بجانب ہِن ڄو "ساکُوں آپݨیاں گھانٹریں وَات ݙتے اَساں صِرف قیدی تخت لہوردے نِیں" سیئں ڄݙاں اِے صورتِ حال ساݙے سَامںھے ہِے ڄو ہُݨ جمہوری دَور ہِے (بھانویں جو نام نہاد ہووے) وَل وی اسّاں آپڑیں نمائندے ووٹ ݙے تے چُݨ گھَندے ہَیں۔ اَڳّاں اسمبلیاں ءِچ ونڄ کے ڄیکر ساݙے ایہے نمائندے آپݨے علاقے سے لوکاں کِیتے کوئی وی فائدہ پُچاوَݨ دی ڳالھ نہ کرن اَتے آپݨے ذاتی فائدیاں دِی خاطر اجتماعی قومی مفادات بھُل ونڄِن تاں اِے زیادتی مجرنامہ غفلت اُپر پنجاب سے نال نال سرائیکی وسیب دے حکمران طبقِیاں دِی وِی ہِے۔ ڄے اَساں صِرف ہِیں ڳالھ کُوں پکیندے راہسُوں ڄو "اساں تخت لہوردے قیدی ہیں" تاں ایندا معنٰی اے وِی نِکلدے ڄو ساݙی سوچ اَڄݨ تئیں قیدیاں تے محکوماں آلی ہِے اتے مجبُوراں آلی ہِے۔ ڄݙاں ڄو اے ڳالھ کَے نِیں۔ ہُݨ سرائیکی وسیب دے لوکاں دِی سوچ وی بیدار تھی ڳئی ہِے اَتےِ ہمّت وِی۔ ݙوجھا اے ہِے ڄو ہُݨ سرائیکی وسیب آلے اِے ڳالھ وِی سمجھ چُکن ڄو ساݙا استحصال کرن آلے وِی ساݙے وچ راہندن، اِیہے جَگیردار تے سرمایہ دار ڄینویں ووٹاں ایلے لوکاں کوں خرید کرِیندن مطلب پَاوݨ سے بعد اُویں ءِی وسیب سے لوکاں دے سارے اَرمان اسمبلی ءِچ ویچ آندن۔ انہاں کُوں سنڄاݨو! سرائیکی وسیب دے لوکو، سئیں ابنِ کلیم نے ایں نظم ءِچ انہاں لوکاں دے چہریاں تُوں پردہ چاتے ڄہیڑے آپݨے علاقے (شہر) دی ترقی اتَے علم و فن آلے لوکاں کُوں نظرانداز کرکے گھانڑِیں وات ݙِتّی وَدّن۔ آپ لِکھدِن:

ساکُوں آپݨیاں گھانڑِیں وَات ݙِتےِ

اَسَاں قیدی تخت لہور دے نِیں!

ٻِیا ݙیکھو

• ابن کلیم۔

• ہٻڑاس پوتھی۔

• ہُݨ گھر گھر بجلی آ ڳئی اے

• اَساں قیدی تخت لَہور دے نِیں!۔

ٻاہرلے جوڑ

• سئیں ابنِ کلیم احسن نظامی دا اُردو وکیپیڈیا تے تعارف
• ہٻڑاس (پوتھی) آن لائن پڑھݨ کِیتے۔
• گُلِ رعنا ادب سوسائٹی دے ٻئے کتاباں
• سئیں ابنِ کلیم احسن نظامی (مرحوم) دا ٻِیا کَم