زینت النساء

زینتُ النساء (اردو: زینت النساء) (٥ اکتوبر ١٦٤٣ – ٧ مئی ١٧٢١ء) ہِک مغل شہزادی اَتے باشاہ اورنگزیب اَتے اُون٘دی ذال دلراس بانو بیگم دی ݙوجھی دِھی ہئی۔ اِین٘دی پِیؤ نے اِیکُوں "پادشاہ بیگم" دے اعزازی لقب نال نوازیا ہئی۔ شہزادی زینتُ النساء کُوں مؤرخین اپݨی پرہیزگاری اَتے صدقہ تے خَرَیت وِچ ودھارے دی پارُوں سُن٘ڄݨین٘دے ہِن۔

حیاتی دا احوال

زینتُ النساء ("زنانیاں دا ڳہݨاں") ٥ اکتوبر ١٦٤٣ء کُوں اورنگ آباد وِچ ڄَمّی ہئی۔ اِنّھاں دی اَمّاں دلراس بانو بیگم، اورنگزیب دی پہلی ذال اَتے چیف ٻیلی ہَن اَتے صفویڈ ایران (فارس) دی حکمران سلطنت دے مہان٘درے ٹَٻَّر دی شہزادی ہَن۔ زیبُ النساء اپݨے پِیؤ دی مَن بھان٘دی دِھی ہئی۔ اِین٘دے ݙاݙا پنڄویں مغل باشاہ شاہ جہاں ہَن جِنّھاں دے دور وِچ اِیہ ڄَمّی ہئی۔ زینتُ النساء کُوں اپݨی وݙّی بھیݨ شہزادی زیب النساء اَتے نِکّی بھیݨ شہزادی زُبدۃ النساء آلی کار اسلام دے عقائد اَتے اسلامی تعلیمات دا ݙونگھا علم ہئی۔ اُوہ نجی اُستانیاں اَتے سکالراں دے ذریعے تعلیم حاصل کرین٘دی ہئی، آکھیا وین٘دا ہِے جو اُوں شادی نئیں کِیتی ہئی۔

زینت اپݨے سبھ تُوں نِکّے مَترائے بِھرا محمد کام بخش دی حمایتی ہئی، جین٘دے کِیتے اُوں کئی واری اپݨے پِیؤ تُوں معافی حاصل کِیتی، بھان٘ویں جو اِین٘دا بِھرا عظم شاہ کُوں اِنّھاں کِیتے تَکڑا اَݨ بھان٘دا پَن ہئی۔ زینت اپݨے پِیؤ اورنگزیب عالمگیر دی اَخِیرلے دورِ حکومت دی کَلّھی ٻیلی ہئی ادیپوری محل وِچ۔ دکّن اُتّے حملے دے وِچالے اُوہ اپݨے پِیؤ دے فوت تِھیوݨ ١٧٠٧ء تئیں اہم مشیر وی ہئی۔ اُوہ کئی ورھیاں تئیں این٘دے بعد وی جِین٘دی رہی، ہِک عظیم عمر دی جِین٘دی یادگار دے طور تے اپݨے جانشیناں دے احترام توں لُطف چین٘دی رہی۔

وفات

زینتُ النساء نے "زینت المساجد" (مَسِیتاں دا ڳہݨاں) اپݨے خرچ اُتّے دِلّی وِچ لال قِلّے دی ندی دے مَݨ تے کَن٘دھ دے ذریعے سن ١٧٠٠ء وِچ اُسروائی ہئی، جِتّھاں اُوکُوں پوریا ڳیا ہئی۔