روندے ٹُردے راہاں

اساں زندگی دا وݙا حصہ یا تاں اپݨی ذات دے کہیں نہ کہیں پہلو دی تسکین اِچ گزریندے ہیں یا اونکوں وِندلاوݨ بلکہ زیادہ وݙا حصہ زندگی کوں وِند لاوݨ وچ گزریندے ہئیں۔ وند لاوݨ دا لفظ ایں واسطے استعمال کیتے جو بالفرض جیڑھی شے دی اساں خواہش رکھیندےہیں یا اوندے نال ذاتی تسکین دے جیڑھے ممکنات ساݙے پیش نظر ہوندن او اکثر پورے نہیں تھیندے،کیوں جو ایندے حاصل تھیوݨ نال تہاݙی ذات ملکیت وچ تاں اضافہ ضرور تھیندے پر اوندے نال ٻئیں وی ٻہوں ساریں شئیں دی ضرورت ودھ ویندے ہے۔ تے اُ٘نہیں شئیں دے بغیر حاصل شدہ تہاݙے اندر ہک نویں ادھورے پن کوں جنم ݙیندی ہے تے جیوݨ تسکین تے وِندلاوݨ دے ہک نویں چکر وچ پئے ویندے تے بندہ Ecstasy تےagroy  دے ازلی چکر وچ دوبارہ واپس آویندے۔ بندے جیڑھے چیز دے حصول کیتے زندگی دا پتہ نہیں کیتا وݙا حصہ گزار ݙتے کھونٹی دے ٹنگیے اوں کوٹ کنوں زیادہ حیثیت نہیں جیڑھا سیالا گزرݨ دے بعد گر میں دے کپڑیں دی جاہ ملی کھڑا ہوندے۔ اپݨی شخصی تسکین کیتے جیڑھی سفاکی تے چھوٹے پن دا شکار اساں تھیندے ہئیں اوندا حساب کیتا ونڄے تاں او زندگی دے اوں چھوٹے کنوں چھوٹے لمحے دے برابری وی نہیں ہوندا جیڑھا اساں نچنت تھی کے گزاریا ہوندے۔ خواہش تے محرومیں دے جیڑھے دوزخ وچوں گزر کے اساں زندگی وچ جیلڑھی ہک چھوٹی جہیں سہولت حاصل کرݨ وچ کامیاب تھیندے ہیں او اوں جن دی کار لہے جیندا ہک سر کپ گھنو تاں لڳے اوں جاہ تے اوندے ٻئے چار سر نکل آندن۔ آخر گو تم اینویں تاں نہ آکھیا جو بندہ دا ݙُوکھ کینویں ختم تھی سڳدے جبکہ اوندا کل وی اوندے اَڄ وچ شامِل ہے۔ شئیں دی تھوڑی دی بے چینی،شئیں دی زیادتی بےچینی کنوں مخلتف کائنی۔ آخر ساݙا بابا جنت وی وی تاں خوچ نہیں رہ سڳیا۔ میاں محمد بخش دی اے لائن کیݙی خوبصورت ہے۔ وِچھڑیئے روندے، مِلدے روندے، روندے ٹُردے راہاں

ٻیا ݙیکھو

• سرائیکی ڈراما

• لوک کہاݨیاں دے ڈرامے

• سرائیکی وسیب وِچ تھیٹر

• سرائیکی افسانوی نثر

• سرائیکی لوک قصّہ۔ ۔ ۔ ۔ ۔ ۔ ۔