رنجیت سنگھ دے مددگار
رنجیت سنگھ کوں جتناں برا آکھوں گھٹ ہے مگر رنجیت سنگھ دی مدد کرنڑ آلیں کوں پیر و مرشد سڈ کے ہتھ چُمدے ہئیں۔ ساڈے سرائیکی نام نہاد دانشور ہر پنجابی کوں رنجیت سنگھ دی جماعت ءچ کھڑا کر کے آپڑیں منافقیں کوں مخدوم و قریشی دے القاب ڈے کے انھیں دے جھنڈے چاء کے انھیں کنیں مفاد گھن کے آپڑاں قد اُچا کرنڑ دی بھؤنڈی کوشش کریندے رہ گئین ۔تیں کریندے ودن انھیں اگوانیں ساری زندگی ہک سندھی دا بلکہ میں آھداں اندھی منجھ دا پُوچھڑ پکڑیے ۔ایں توں وڈا ظلم اے کیتے نے خود تاں غلام ہن نال قوم کوں وی اے درس ڈتے نے کہ تھاڈا مسیحا ہک سندھی ہے ۔سندھی پنجابی توں ودھ چالاک ہا اوں اگوان سندھ پٹی دے بنڑائن تساں ڈیکھسو جتنے نام نھاد اگوان ہن انھیں دے ہر میلے تے ہر مشاعرے تے سندھی جماعت دا پرچم لگا کھڑا ہا سرائیکی حقوق دی گال صرف شاعری دے رنگ ءچ تھیندی ہئ زیادہ تر ورکری ووٹ دی تھیندی ہئ اے آکھ کے کہ ایھا جماعت ہے جیرھی تھاڈی خیر خواہ ہے ۔خدا جیکوں چاھوے خراب کرے جڈاں اوں جماعت دے سامنڑے سرائیکی بُولی دا بل پیش تھیاء اوں جماعت سرائیکی کوں قومی بُولی ہی تسلیم نہ کیتا ۔
وت وی ساڈے اگوان نندر ہن ۔تھاکوں بی مزے دی گال ڈساں انھیں سندھ تے سندھی دی محبت ءچ راجہ داہر جھئیں کُتے کوں ہیرو بنڑا کھڑائے محمد بن قاسم کوں ولن بنڑا ڈتے نے ۔اے چند واھیات لوک پنجابی ءچ ت سرائیکی ءچ موجود ہن ۔چند چاپلوس پنجابیں رنجیت سنگھ کوں۔ت۔چند مفتے سرائیکی دانشور یا اسلام بیزار دانشوریں ہندو تاریخ کوں پڑھ کے ہک مجاھد کوں بدمعاش من گھدے ایں کاوڑ توں کہ چنگے بھلے ہندو ہاسے خوامخواہ مسلمان بنڑنڑا پئے گئے ۔ میں ہک سرائیکی لیڈر جیکوں گھر دے بندے ووٹ نیں ڈیندے پُچھے ۔محمد بن قاسم کوں آھدے ہاؤ اے لُٹیرا ہا ۔سلطان غزنوی ۔نورالدین زنگی۔ صلاح الدین ایوبی۔طارق بن زیاد۔انھیں دے بارے کیا خیال ہے موصوف جواب ڈتے حملہ آور ولن ہوندے ۔اگوں ت جلوں صحابہ کرام ۔خیبر دا قلعہ ۔کیسر و کسری ۔خندق ۔حنین ۔بدر۔کیا معاذاللہ ۔ایھو خیال کراں ۔کہ حملہ آور ٹھیک نہ ہن۔محمد بن قاسم ت راجہ داہر دی جنگ کفر و اسلام دی جنگ ہئ۔اوندی وجہ نال سندھ ءچ اسلام آیا ۔
رنجیت سنگھ مسلمانیں دا قاتل ہا اوں قتل ء عام ءچ تھاڈے پیر و مرشد دا ٹبر وی شامل ہا ۔بلکہ تھاڈے سرائیکی شامل ہن بھکر آلے ت ملتان آلے ۔انھیں کوں کجھ آھدیں بوتھاڑ ترٹدے ۔بس پنجابی برے ہن تاکہ ووٹ سندھی کوں ملے ۔تھاڈا ڈیڈھ بھریجے ۔سرائیکی دی گال کرنڑی ہے تاں میدان ءچ آ کے کرو کہیں دے مونڈھے تیں چڑھ کے نہ کرو ۔منافقت چھوڑو ۔قوم کنیں وسیب کنیں معافی منگو۔ڈسو جیویں پنجابی مہاجر منافق ہن انویں سندھی لیڈر منافق ہن ۔۔۔۔میں صرف سرائیکی ہاں کہیں سرائیکی کوں لیڈر منیساں۔اے دھرتی میڈی ماء ہے ۔ جمیل بلوچ