راحت عائشہ

راحت عائشہ (اردو: راحت عائشہ) ہِک پاکستانی، ٻالاں دی مصنف زنانی ہِن۔ اِنّھاں دی (2022 تئیں) پنج کتاباں "پیڑ کا بھوت، گمشدہ چابی، بلیوں کے لٹیرے، موتیوں والا ہار" اور کیچوا جن چَھپ چُکّیاں ہِن۔ راحت عائشہ کراچی وِچ ڄَمّی ہئی، مہان٘درے ادیب مائل خیر آبادی راحت دے پِیؤ دے چاچا ہَن جِنّھاں نے اسلامی اقدار کُوں سامھݨے رکھین٘دے ہوئے ٻالاں کِیتے ٻہوں اہم ذخیرہ ادب تخلیق کِیتا ہئی اِنّھاں دی کُجھ کہاݨیاں کُوں بھارت وِچ ہِک ڈرامائی صورت ݙے تے ڈی وی ڈی تیّار کِیتی ڳئی اَتے مونس انصاری (شاعر) اِنّھاں دی اَمّاں دے ماموں ہَن۔

تعلیم

ابتدائی طور تے دینی تعلیم نال اَغاز کِیتا اَتے جامعہ یوسفیہ للبنات ناظم آباد چورنگی تُوں قرآن مجید ݙاہ ورھیاں دی حیاتی وِچ حفظ کِیتا۔ باقاعدہ عصری تعلیم دا اَغاز جماعت اَٹّھویں تُوں کِیتا کراچی دے سر سیّد گرلز کالج توں انٹر کِیتا۔ سکول وِچ قرأت اَتے نعت دے انجو انج مقابلیاں وِچ حِصّہ گِھدّا اَتے انجو انج اِنامات گِھدّے۔ جامعہ کراچی توں معاشیات وِچ مسٹرز کِیتا۔

غیر نصابی سرگرمیاں

راحت عائشہ سر سید گرلز کالج کراچی دی کوئز ٹیم دا حِصّہ رہی اَتے انجو انج طالبات اَتے طلبہ کالج توں انج پی ٹی وی اَتے ریڈیو پاکستان توں انجو انج اِنامات گِھدّے۔ کراچی انٹرمیڈیٹ بورڈ آفس وِچ تِھیوݨ آلے بین الکلیاتی معلوماتِ عامہ دے مقابلے وِچ ݙوجھی پوزیشن گِھدّی۔

ادبی خدمتاں

پہلی لِکّھت چھی / سَت ورھیاں دی حیاتی وِچ ٻالاں دے جنگ وِچ چَھپّی ہئی۔ البتہ با قاعدہ لِکّھݨ دا اَغاز ٢٠١٤-١٥ء توں کِیتا اَتے ہُݨ تئیں ہمدرد نونہال، ماہنامہ ساتھی، پیغام، جسارت میگزین، جگنو، ٻچوں کا باغ، ماہنامہ اقراء، بچوں کا گلستان، بزمِ منزل، جنگل منگل، بزمِ قرآن، اکادمی ادبیات پاکستان دے تحت نِکلݨ آلے رسالے ترے ماہی ادبیات اطفال وِچ وی باقاعدہ لکھین٘دی پئی ہِن۔

عام طور تے ٻالاں کِیتے لِکھین٘دے ہِن اَتے اَڄ کَل ٻالاں دے ہِک قدیم رسالے "بچوں کی دُنیا" دی مدیرہ ہِن۔ پاکستان توں انج بھارت توں چَھپَّݨ آلے ٻالاں دے ماہنامیاں "گل بوٹے بمبئی"، اتے "پھول (بھٹکل)" وِچ وی راحت عائشہ دی لِکّھتاں چھپدیاں ہون٘دیاں ہِن۔

رکنیت

پاکستان دی ݙو وݙّی ادبی تحریکاں "دائرہ علم و ادب" اَتے "پاکستان فیڈریشن آف کالمسٹ" دی رُکن ہِن۔

ٻِیا ݙیکھو

• مسعود احمد برکاتی
• احمد حاطب صدیقی

ٻاہرلے جوڑ

• راحت عائشہ نال ملاقات یوٹیوب