راجا داہر دے ناں
لکھت: حسن مرتضی
راجہ داہر اج سئیں راجہ داہر دا یوم شہادت اے جیہرا دھرتی دا سچا سجاک پتر ہا. او عربی لٹیراں دے اگے دیوار بنڑ تے کھڑ گیا. کون اے اساڈا ہیرو، او محمد بن قاسم عربی لٹیرا جیہرا حجاج بن یوسف جئیں جابر حاکم دا سالار ہئی. ریاست دی تاریخ لکھت اچ کتلا کوڑی تے کوجھی تے بے ڈھنگی اے.. محمد بن قاسم ہک تریمت خط تے پج گئے تے کراچی کن ملتان تک فتح کیتس. جھلیجھو ذرا، اے حجاج بن یوسف کون ہا؟ اوہو نا جئیں مکہ تے مدینہ تے حملہ کر تے عبداللہ بن زبیر دی خلافت دا خاتمہ کیتا. ول مکہ تے مدینہ دے تریمتیں کوں حلال آکھ تے ریپ دی اجازت ڈیونڑ والے خلیفہ دا خونخوار گورنر ہئی نا.. ہوکوں سندھ اچ قید تریمت دا درد پئے گئے اپنڑی وسوں تے آپ کاتا چلائی رہ گے. ول دیبل یعنی اجوکا کراچی فتح کرتے تریمت چھڑا گدس تے ملتان تک رت وہاونڑ دی کیا لوڑھ ہئی. ہنے وحشی، بدنسلے عربی ڈاکوآں دی نیت دا پتا اتھو لگدے جو سئیں راجہ داہر دے دھیاں کیتے آپت اچ جھیڑا لگا تے اے ڈاکو بن قاسم قتل ونج تھیا. اسلام اینجھے غلیظ ڈاکو نہی بلکہ قلندر، سچل، بھٹائی ، شاہ حسین، فرید، دی وجہ کن پھیلیے. جیرھا ساڈی وسوں تے رت وہائس ، ساڈیاں دھیاں بھینڑاں دمشق دے بازاراں اچ نیلام کیتس او وحشی درندہ کتا ڈاکو رہسی. ریاستی وکاؤ لکھاریں دے کوڑ گھنڈھنڑ نال تاریخ تبدیل نہی تھیندی. راجہ داہر ساڈا شہید تے ساڈی دھرتی دا پتر جئیں عربی ڈاکوآں دے اگو سر نہی نیوا کیتا، وج گج تے لڑیے اج وی سندھ اچ دھمال چلدی اے، اج وی جئے شاہ نورانی دا نعرہ وجدے ، اج وی وسیب اچ جھمر چلدی اے، عربی ڈاکو دی قبر کتھاں اے. جڈاں جڈاں سندھ وادی تے حملے تھیسن سندھڑی دے بچڑے رت دے تے سرخرو تھیسن جئے وادی سندھ جئے راجہ داہر