خورشید بخاری
خورشید بخاری سرائیکی دا انقلابی تے مزاحمتی شاعر ہے۔ بستی نذیر آباد، موضع محراب والا، احمد پور شرقیہ نال تعلق ہے۔ حیاتی دا زیادہ حصہ رحیم یار خان وچ گزریا ہے۔
پُرسوز بخاری دے بھرا تے غیور بخاری چاچے ہن۔
اصل ناں سید خورشیدالحسن
قلمی ناں خورشید بخاری
جٖمنْ 1966ء
تعلیم ایم اے
پیشہ مدرس
فون نمبر 0333 3850085
جاہ پتہ احمد پور شرقیہ ،ضلع بہاول پور
شعری مجموعہ ’’اساں سچ دا سفر کرنْے‘‘دے خالق خورشید بخاری سرائیکی وسیب دے مہاندرے مزاحمتی شاعر ہن بلکہ عنایت اللہ مشرقی دے بقول آپ انقلابی شاعریں دے امام ہن،میں خورشید بخاری دے بارے معلومات گھننّنْ واسطے انہاں دے بھتریجے غیور بخاری نال رابطہ کیتا تاں اُنہاں بڑی افسوس ناک کہانی سُنْائی جو خورشید بخاری کجھ کم ظرف لوکاں دے گھٹیا تنقیدی جملے سُنْ سُنْ کے دل برداشتہ تھی گٖئے ہن۔تہوں انہاں اپنْاں سارا سرائیکی کلام ساڑ چھوڑیا ہا جڈٖاں جو ایہ کتاب (اساں سچ دا سفر کرنْے) انہاں دا اُکّا چُکّا ، بچّا کھچّا کلام کٹھا کر کے میں انہاں دی رضا مندی دے بغیر کتاب مرتب کر کے چھپوائی ہے۔بہر حال خورشیدؔ بخاری دا خوبصورت مزاحمتی کلام پیشِ خدمت ہے۔
کتاباں
[لکھو | ماخذ وچ تبدیلی کرو]سرائیکی کتاباں
[لکھو | ماخذ وچ تبدیلی کرو]- اساں سچ دا سفر کرݨے
اردو کتاباں
[لکھو | ماخذ وچ تبدیلی کرو]- محبت من کی سچائی
نمونہ کلام
[لکھو | ماخذ وچ تبدیلی کرو]؏ ـــ اساں قیدی تخت لاہور دے نئی
ساکوں آپݨے گھاݨی وات ݙتے
غزل
[لکھو | ماخذ وچ تبدیلی کرو]نہ کہیں فرعون کوں سجدہ نہ ظلمت تے صبر کرنْے
قسم لاچار لوکاں دی اساں سچ دا سفر کرنْے
او جیڑھے زندہ لاشاں ہن ،نہ جی سگٖدن نہ مر سگٖدن
اساں اپنْی حیاتی کوں انہاں کیتے بسر کرنْے
اندھارے دے پُجاریاں کوں جے نئیں بھاندے اساں تاں کیا
اساڈٖی سوچ تے ہر سجھ قیامت تئیں فخر کرنْے
سُنْیسوں وستی وستی وچ اساں بانگاں بغاوت دیاں
اساں روہی تے تھل دے بے کساں کوں با خبر کرنْے
ڈٖساؤ مجبور لوکاں کوں اجھو ہک کربلا لگٖسی
جَیں صدیاں دے غلاماں کوں ایں جگٖ تے معتبر کرنْے
اساں فجریں دے تارے وانگ اپنْی جان ڈٖے ڈٖیسوں
مگر سچ دے سویرے کوں ہمیشہ تئیں امر کرنْے
جلدی جوڑ تیاری
[لکھو | ماخذ وچ تبدیلی کرو]اُڄڑیۓ گوپے جھوک گریڑے
چھیکڑی ساہ پے گھندن
بوئیاں کھپوں لئی لاݨے
پے ھک بے توں مکلیندے
ساݙی جاݨ سنجاݨ دے سارے
ناں نشان ونجیندے ویندن
بھڑ تھی ڳئے کھوہ کھاݙے ساݙے
ٹوبھے ڳوٹھ گھسیندے ویندن
سُکھ دا سِجھ اُبھردا کئینی
سِر تے رات اندھاری
جھوکاں ݙیوے بالوں سانول
جلدی جوڑ تیاری
مرشد خورشید بخاری
وفات
[لکھو | ماخذ وچ تبدیلی کرو]١٩ جوالائی ٢٠٢٣ء