حنیف قاسم

جھوک غلام حسین زندہ پیر درے دے نال اے اتھاں جہریاں قوماں آباد ہن انیں وچ اکثریتی قوم محمداݨی آباد ھے ایں علاقے کوں شروع تو ہر بنیادی سہولت توں محروم رکھیا ڳئے پر اتھو دے لوگ رڄء کڄے ہن اے لوک اپڑے خلق دے مُلخ دے بادشاہ ہن تے اے بادشاہت انئیں کو جدی پشتی ورثے اچ ملی ہوئ اے جڈاں وی ایں علاقے دے لوگیں کو ملیجے ایویں لڳدے کئ سالیں توں واقفیت ہووے ایں علاقے دے لوک اج وی بیٹھک تے مل ٻہندن چوکی لیندن تاس تے تاڑی دی تھاپ تے غزلاں آھدن تے جھمران پیندن وساخاں آباد ہن ایویں ہی ایں جھوک دا ہک سوھڑاں لکھاری حنیف قاسم جہرا اپڑے ایں علاقے دے نظم دی صورت ءچ نوحے لکھدے تے نال نال آپڑیں وسوں دے واسیں کو کڈاہیں مونجھا نہی تھیوݨ ڋیندا ڈوھڑے ءچ جھمر رسا کے خوشی دی نوید سنڑیندے ڈوہڑہ ہووے نظم ہووے یا غزل انھین دا ہک اپڑاں ذاتی رنگ اے جہرا انھیں دی شاعری ءچ ملدے .جتنا انہی دی شاعری میں سنڑی اے میکوں خاص کر انیں دا ڈوھڑہ پسند اے اے ٻہوں سادہ مزاج طبیعت رکھدن اج دے دور ءچ وی سوشل میڈیا فیس بک توں کنارہ کش ہن. .ایں بختیں بھریے شاعر دی سرایئکی شاعری دی کتاب.......ڈھلدا ڈینہہ .........چھپ تے آگئ اے ..یقینًا اے سوھڑی کتاب ہوسی ٹایئٹل وی سوھڑاں اے. انھیں کو ڈھیر ساری مبارک باد. سب تو وڈی گال اے وی ہے محمداݨی قوم دا تریجھا صاحب کتاب شاعر ہے تے حنیف قاسم محمداݨی نے اپݨی سرائیکی شاعری دے ذریعے ڋسا ڋتے جو میں سرائیکی وسیب دا واسی ھاں تے ساڋے ڋکھ سکھ سانجھے ھن حنیف قاسم ممداݨی دہ سرائیکی شاعری دی کتاب تے پورے وسیب دی طرفوں صاحب کتاب حنیف قاسم ممداݨی کوں مبارکباد...

ݙوہڑہ

حنیف قاسم دا ہک ڈوہڑہ تے ایندے نال ای جازت گھنساں۔

..جے رکھڑن تاں ول ساہ سانجھے ساہ ݙکݨ دے حیلے نہی رکھڑے

.جے نچڑے تاں ول پیر سجݨ بُھویں رکھݨ دے حیلے نہی رکھڑے

جتھ آکھے نچ اُتھ نچ ونجڑے نہ نچݨ دے حیلے نہی رکھڑے.

جے کرڑن پیار دے پندھ قاسم ول تھکݨ دے حیلے نہی رکھڑے..