حمیرا چنّا

حمیرا چنا (اردو: حمیرا چنا) (ڄَمَّݨ دی تَرِیخ؛ 22 جون 1970ء) چِھی واری نگار ایوارڈز جِتَّݨ آلی پاکستانی پس پردہ ڳائیکہ ہِے۔ 22 جون 1970ء کو حیدرآباد وِچ ڳائیکہ لکی ناز دے گھر ڄَمّی ہئی، استاد بشیر احمد خان اتے نثار بزمی توں ڳائیکہ سکِّھی ، ہزاراں ڳاݨے فلماں اتے ڈرامیاں کِیتے ڳائے، انّھاں کوں پلے بیک سنگر دے اعتراف وِچ 6 واری نگار ایوارڈ نال نوازیا ڳیا۔ حمیرا چنّا نے نور جہاں اَتے مہناز دے بعد تِرِیجھے لمبر تے سبھ توں وَدھ نگار ایوارڈ جِتّے ہِن۔

حیاتی دا احوال

حمیرا چنّا پاکستانی تفریح انڈسٹری وِچ اپݨے پِیؤ دے زیرِ اثر شامل تھئی، اِنّھاں دے اَبّا فلماں بݨین٘دے ہَن۔ حمیرا چنّا نے 9 ورھیاں دی عمر وِچ اپݨے ڳاݨے ڳائے ۔ پِیؤ دی فلم کِیتے پہلا ڳاݨاں ڳایا۔ پی ٹی وی کراچی ٹیشن تے حمیرا چنّا کوں صوفی شاہ عبداللطیف بھٹائی دے کلام اُتے فوک گِیت ڳاوݨ دا موقع مِلیا۔ حمیرا چنّا نے اردو، پنجابی، سرائیکی اَتے سندھی ٻولیاں وِچ ڈِھڳ ڳاݨے ڳائے۔ ۔

حمیرا چنّا نے متعدد مُلخاں وِچ ون٘ڄ تے موسیقی دے پروگرام کیتے ہِن جنّھاں وِچ امریکہ، کینیڈا، متحدہ عرب امارات، بنگلہ دیش اَتے یورپی مُلخ شامل ہِن۔ ۔

ٹی وی

سلور جوبلی، انور مقصود دے نال پی ٹی وی تفریحی شو (1983ء) حمیرا چنّا نے کئی ڈرامیاں دے مُکھ ڳاݨے ڳائے جِنّھاں وِچوں کُجھ اِیہ ہِن:

• رشتے محبتوں کے(ہم ٹی وی)(2009ء)
• شکن (پی ٹی وی) (2010ء)
• کاش ایسا ہو (اے آر ٹی وی) (2013ء)
• ناگن (جیو کہانی) (2017ء)

کوک اسٹوڈیو پاکستان

• 2014ء وِچ امبوا تلے جاوید بشیر اور میکال حسن بینڈ دے نال ڳایا۔
• 2014ء وِچ پھول بنرو عباس علی خان دے نال ڳایا۔
• 2017ء وِچ نبیل شوکت دے نال مجھ سے پہلی سی محبت میرے محبوب نہ مانگ ڳایا

ایوارڈ اتے اعزازات

• 1986 وِچ نگار ایوارڈ برائے بہترین پس پردہ ڳائیکہ۔
• 1989ء وِچ نگار ایوارڈ برائے بہترین پس پردہ ڳائیکہ۔
• 1991ء وِچ نگار ایوارڈ برائے بہترین پس پردہ ڳائیکہ۔
• 1993ء وِچ نگار ایوارڈ برائے بہترین پس پردہ ڳائیکہ۔
• 1994ء وِچ نگار ایوارڈ برائے بہترین پس پردہ ڳائیکہ۔
• 1997ء وِچ نگار ایوارڈ برائے بہترین پس پردہ ڳائیکہ۔
• 2017ء وِچ صدر پاکستان دی طرفوں تمغائے حسنِ کارکردگی