جنوبی پنجاب صوبے دی ترمیم تے اخبار دا ٹکڑا
جنوبی پنجاب صوبے دی ترمیم تے اخبار دا ٹکڑا
کجھ ڈیہنہ پہلے فیسبک تے ہک اخبار دا ٹکڑا وائرل تھئے جیندے وچ سرائیکی زبان کوں ڈوجھے نمبر تے تصور کیتا گئے۔ سرائیکی زبان بولنڑ آلیئں دی کل تعداد آبادی دا %31۔18 گردانیہ گئیا۔ سرائیکی اعوام خوشی دا اظہار کیتا جو ساڈی زبان کوں ڈوجھے نمبر تے من گدھا گئے۔ حالانکہ میکوں یاد اے نون لیک دور اچ جڈاں آدم شماری تھئی میں سمیت سبھے شاگرداں،دانشوراں،ادیباں،صحافیاں قوم پرستاں نے ایں فگرز (%31۔18) دی مزمت کیتی تے آدم شماری کوں جعلی قرار ڈتا۔ میکوں نہیں سدھ جو اخبار دا ٹکڑا اصلی اے یا جعلی لیکن ایں اخبار دے ٹکڑے دی سرخی سرائیکی زبان ڈوجھے نمبر دی خوشی تے لوظیں دے حیر پھیر نیں ساڈی ساری سرائیکی قوم کوں بھولا ڈاند ضرور ثابت کر ڈتا۔
جے اے اخبار دا ٹکڑا سچ ہا تے میں اینکوں سرائیکی قوم کیتے ہک ٹیسٹ سمجھداں کیوں جو اوندے ڈو ڈینہہ باد ایں جنوبی پنجاب دی ترمیم پاس تھئی اے۔ جنوبی پنجاب صوبہ بنڑاونڑ دی ترمیم پاس تھئی اے نہ کہ صوبے دا بل پاس تھئے۔ترمیم آلے بل دی وضاحت اچ لکھیئا ہویا اے "جنوبی پنجاب کا صوبہ ملتان،بہاولپور اور ڈیرہ غازی خان ڈویژنز پر مشتمل ہو گا۔" جنوبی پنجاب صوبے تے سرائیکی خطے دے لوکاں دا پہلا اتراض ایندے ناں تے حے، ڈوجھا اتراض ایندے جغرافیہ تے حے۔ ترمیم پاس تھوینڑ دے بعد جیالے سرائیکی تے یوتھئے سرائیکیئاں نے مٹھیئاں ونڈیاں مبارخاں جھلیئاں تے اے تاثر ڈتا جیویں صوبے دا بل پاس تھی گیئا ہووے۔ بالفرض جے جنوبی پنجاب صوبے دا بل سرائیکی اعوام دی مرضی دے خلاف ای پاس تھیوے ہا تے سرائیکی خطے دے لوک اینکوں بلکل مسترد کرنا چاہی دا ہا۔
اے گال وسیب دے لوکاں کوں سمجھاونڑ دی ضرورت حے جو مسئلہ صرف پنجاب دی ونڈ نہیں، مسئلہ صرف الگ صوبے دا حصول نہیں، بلکہ بنیادی شناخت ساڈی سنجانڑ تے ہک الگ پنجویں سرائیکی قومی اکائی دا مسئلہ حے،ایں متوں لنگڑا لولہا صوبہ نہ منظور۔ سرائیکی قوم دی پنجابی اسٹبلشمنٹ نے آسمان توں ڈٹھا کھجی اچ اٹکیئا آلی سیچوایشن بنڑا ڈتی اے۔
1 ترائے ڈویژنز دا صوبہ جنوبی پنجاب گھنو نہیں تے سرائیکی الگ شناخت تے دور دی گال اے بہاولپور وی نہ ملسی۔ ایڈو نال نال بہاولپور علیحدگی دی تحریک کوں طارق بشیر چیمے جہیئں پنجابی ٹائوٹ دے ہتھوں میڈیا تے اوچھالیئا ویندا پئے تاکہ سرائیکی قوم اپڑیں شناخت آلے موقف توں ہٹ ونجن۔ سرائیکی وسیب دے لوکاں توں میں ہک سوال کریندا ساڈی ستر سالا جدوجہد الگ صوبے دے ہئی یا جفرافیہ تے قومی شناخت دی حے؟ جے سرائیکی بطور قومی شناخت دی اے ول جنوبی پنجاب دی ترمیم پاس تھیونڑ تے کیوں شد مد ہائو؟ ترمیم دا بل پاس کرن ستوں پی سمھنڑ آلی سرائیکی قوم کیتے ہک بیئا ٹیسٹ ہیوے جو سرائیکی جیالے تے یوتھئے سرائیکی ہن یا کوئی سرائیکی وی ہن؟جیندے وچ او کامیاب تھیئن۔خدارا ایں وخت صرف سرائیکی بنڑ کہ سوچو تے عمل کرو۔ ایں ٹیئم خاموشی صرف جرم نہ بلکہ گناہ کبیرہ سمجھیئا ویسی، سرائیکی قوم دے او سجاک نینگرو کجھ ہوش اچ آئو گدڑ رڑھ اجاڑی ویندن۔ اٹھو ایہو وخت ول ہتھیں نہ اوسی جنوبی پنجاب دی مذمت کرو تے الگ سرائیکی قومی اکائی دی جدوجہد جاری رکھو۔ (نون لیک نے اپڑیں نال نفرت کرن دا ہک بیئا پوائنٹ ڈے ڈتا)۔ جیوے سرائیکی، پاکستان زندہ آباد، سرائیکستان پائیندہ آباد۔ فیض_کھوسہ۔