جرمنی وِچ زنانیاں

ہِک جرمن زنانی اپݨے پئے اَتے ترے ہِکّی واری وِچ ڄَمَّݨ آلے ٻالاں دے نال۔

ہِک عام تأثر ہِے جو جرمنی ہِک اِیہو جِیہاں مُلخ ہِے جیڑھا اپݨی اَزادی اَتے اپݨے قنُوناں دی ٻہوں قدر کرین٘دا ہِے۔ اِنّھاں قنُوناں دا اطلاق مرداں اَتے زنانیاں اُتے ہِکّو جِیہاں تِھین٘دا ہِے۔ کَم کار آلی، ازدواجی، ساجھے داری اَتے ٹَٻَّر دے اُمور وِچ مرداں اَتے زنانیاں کِیتے برابر حقوق دی اہمیّت اُتے زور ݙِتّا ڳیا ہِے۔ اِیں کِیتے جرمنی وِچ زنانیاں (اردو: جرمنی میں خواتین) (انگریزی: Women in Germany) ٻہوں ای فعال اَتے اختیار آلیاں سمجھیاں وین٘دیاں ہِن۔

جرمنی دا قنُون

جرمنی دے قنُون (آئین) دا پورا تِرِیجھا حِصّہ زنانیاں / تِریمتیں کِیتے وقف کِیتا ڳیا ہِے۔ ریاست وِچار رکھین٘دی ہِے جو ہر کوئی روز ݙیہاڑے دی حیاتی وِچ اِین٘دی ہِکّو جئیں طور تے پاسداری کرین٘دا ہِے۔ اصلُوں مرداں آلی کار ای، سبّھے زنانیاں سکول ون٘ڄݨ، کَم کار کوں سِکّھݨ اَتے کَم اُتے ون٘ڄݨ دا حق رکھین٘دیاں ہِن۔ اِیہو وجہ ہِے جو جرمنی وِچ زنانیاں سیاست دان، کاروباری، ڈاکٹر، اُستانیاں، پُلس افسر، جج، اَتے وکیل زنانیاں ہِن۔ اصلوں اِین٘ویں اِی اِیں مُلخ وِچ زنانیاں نرساں، نرسری سکولاں دیاں اُستانیاں، ٻس ڈرائیور اَتے وِکری مُݨس زنانیاں ہِن۔ اِین٘دے نال کوئی فرق نئیں پون٘دا جو ہِک زنانی کَلّھی ہِے، کہِیں ٻیلی دے نال رہن٘دی ہِے یا شادی شدہ ہِے۔ ڄیکر اِین٘دا کوئی قنُونی یا غیر قنُونی ٻال ہِے تاں اُون٘دے نال وی اصلُوں کوئی فرق نئیں پون٘دا؛ اُوہ مرداں آلی کار ای ایݙے ای احترام دی حق دار ہِے۔

کَم کار آلے پِڑاں وِچ زنانیاں

جرمنی وِچ ہِک شکایت کھیݙ دے پِڑ توں اِیہ ہِے جو مرداں دے مقابلے وِچ زنانیاں دے کھیݙ کوں میڈیا وِچ گَھٹ جاء ݙِتّی وین٘دی ہِے۔ میڈیا وِچ زنانیاں کِھݙاراں کوں جیڑھے طریقے نال ݙکھایا وین٘دا ہِے اُوہ ہِک ٻہوں منفی رویّہ ہِے۔ زنانیاں دے کھیݙ کوں ݙکھالا ون٘ڄݨ ودھ ضروری ہِے ناں جو زنانیاں کوں ݙِکھاوݨ۔ زنانیاں کِھݙاراں کُوں ہِک ماڈل بݨا تے پیش کِیتا وین٘دا ہِے جاں جو اِنّھاں دے کھیݙ دا حون٘صلہ ودھارا کرݨ ٻہوں ضروری ہون٘دا ہِے۔ اَتے اِین٘دی بݨیادی وجہ اِیہ ہِے جو میڈیا وِچ مرداں دی اجارہ داری دے پارُوں زنانیاں دے کھیݙاں کوں مرداں دے مقابلے وِچ گَھٹ اہمیّت ݙِتّی وین٘دی ہِے۔ کھݙاں وِچ مرد تاں فٹبال اَتے رڳبی کھیݙ سڳدے ہِن۔ جاں جو اِیہو کھیݙ زنانیاں کِیتے مناسب نئیں سمجھے وین٘دے۔ اصلُوں اِین٘ویں اِی مذہبی رجحاناں وِچ وی زنانیاں کوں کھیݙاں توں پرے رکّھݨ وِچ اپݨا کردار ادا کرین٘دے ہِن۔  

ٻِیا ݙیکھو

• زنانیاں کوں اختیار آلا بݨاوݨ
• یورپ وِچ زنانیاں
• مسیحیت وِچ زنانیاں