ثمینہ راجہ

ثمینہ راجہ (اردو: ثمینہ راجہ) (انگریزی: Samina Raja) (ڄَمَّݨ دی تَرِیخ: ١١ ستمبر ١٩٦١ء – فوت تِھیوݨ دی تَرِیخ: ٣٠ اکتوبر ٢٠١٢ء) پاکستان دی مہان٘دری شاعرہ، ایڈیٹر، ٻولی وٹار اَتے ماہرِ تعلیم ہَن۔ اُوہ رحیم یار خان وِچ ١١ ستمبر ١٩٦١ء کُوں ڄَمّی۔ ٻارھاں تیرھاں ورھیاں دی عمر تُوں شاعری دا اَغاز تِھیا اَتے جَلتی اِنّھاں دا کلام پاک تے ہند دے معتبر ادبی جریدیاں وِچ چَھپَّݨ لڳّیا۔ جاں جو اپݨے ٹَٻَّر دی روائتاں اَتے سماجی ٻَنّیاں دے پارُوں اِنّھاں کُوں شعری تے ادبی محفلاں وِچ شرکت دے موقع نہ مِل سڳے تہُوں اِنّھاں دی شاعری ہِک لَمّے عرصے تئیں صرف "فنون، نقوش، اوراق، نیا دور اَتے سیپ جئیں ادبی جریدیاں اَتے سنجیدہ حلقیاں تئیں ای محدود رہی۔ ہِک حیاتی دے پورھیے اَتے ریاضت دے بعد اَخِیر اُوہ اپݨے فن کُوں لوکاں دے سامھݨے گِھن آوݨ وِچ کامیاب تھئی۔ اِنّھاں دے ٹَٻَّر وِچ زنانیاں دی تعلیم دا کوئی تصوّر ناں ہئی تہُوں اِنّھاں نے ٻہوں اوکھے اتے غیر موافق حالات وِچ پرائیوٹ طور تے تعلیم دا سلسلہ جاری رکّھیا اَتے اردو ادب وِچ ایم اے پاس کِیتا۔

شعری مجموعے

• ہویدا (1995)
• شہر سبا-
• اوروصال -
• خوابنائے -
• باغ شب -
• بازدید -
• ہفت آسمان -
• پری خانہ -
• عدن کے راستے پر -
• دل ِ لیلٰی
• عشق آباد

اِنّھاں تُوں انج اِنّھاں دی شاعری ݙو ضخیم کلیات دی شکّل وِچ وی چَھپ چُکّی ہِے۔

مدیر

١٩٩٢ء وِچ اِنّھاں نے "مستقبل" دے ناں نال ہِک ادبی جریدے دا اجراء کِیتا جیڑھا اُنّھاں دے گھروڳے مسئیلاں دی پارُوں وَدھ ویلے تئیں جاری ناں رہ سڳیا۔ ١٩٩٨ء وِچ اِنّھاں کُوں نیشنل بُک فاؤنڈیشن دے رسالے ماہنامہ "کتاب" دی مدیر مقرر کِیتا ڳیا اَتے ١٩٩٨ء وِچ ای اِنّھاں نے ادبی مجلّہ "آثار" دی ادارت سن٘بھالی اَتے پوری اردو دُنیا وِچ اپݨی سُنْ٘ڄاݨ اَتے پِچھاݨ بݨائی۔ اُوہ کئی ورھیاں تُوں مہان٘درے ادبی جریدے "آثار" دی مدیر ہَن۔ ثمینہ راجہ دا اُردو شاعراں وِچ اُوہو مقام ہِے جیڑھا "ن م راشد" دا اُردو شاعراں وِچ۔ راشد کُوں شاعراں دا شاعر آکھیا وین٘دا ہِے کیوں جو اُنّھاں دی شاعری دے مضامین اَتے اُنّھاں دا مخصوص مفرس اسلوب عوام دی ذہنی سطح تُوں ٻہوں اُچّا ہووݨ دے پارُوں عوام وِچ اُوہ مقبولیت حاصل نئیں کر سڳیا جیڑھی عام فہم اسلوب دے حامل شعراء کُوں سَوکھ نال مِل وین٘دی ہِے۔ اِیں طرح ثمینہ وی کچّے پکّے زنانیت جذبیاں دی شاعری تُوں ٻہوں اُچّی فضا وِچ پرواز دے پارُوں سنجیدہ پڑھݨ آلیاں تئیں اِی محدود رِیہی۔

کلام

میں تمہارے عکس کی آرزو میں بس آٰ ئینہ ہی بنی رہی

کبھی تم نہ سامنے آ سکے،کبھی مجھ پہ گرد پڑی رہی

وہ عجیب شام تھی،آج تک میرے دل میں اس کا ملال ہے

میری طرح جو تیری منتظر،تیرے راستے میں کھڑی رھی

---

تنہا، سر انجمن کھڑی تھی

میں اپنے وصال سے بڑی تھی

اک پھول تھی اور ہوا کی زد پر

پھر میری ہر ایک پنکھڑی تھی

اک عمر تلک سفر کیا تھا

منزل پہ پہنچ کے گر پڑی تھی

طالب کوئی میری نفی کا تھا

اور شرط یہ موت سے کڑی تھی

وہ ایک ہواے ء تازہ میں تھا

میں خواب قدیم میں گڑی تھی

وہ خود کو خدا سمجھ رہا تھا

میں اپنے حضور میں کھڑی تھی

---

ہم کسی چشم فسوں ساز میں رکھے ہوئے ہیں

خواب ہیں،خواب کے انداز میں رکھے ہوئے ہیں

تاب، انجام محبت کی بھلا کیا لاتے

نا تواں دل، وہیں آغاز میں رکھے ہوئے ہیں

جلتے جائیں گے ابھی اور چراغوں سے چراغ

جب تری انجمن ناز میں رکھے ہوئے ہیں

اے ہوا! اور خزاؤں کے علاوہ کیا ہے؟

وسوسے کیوں تری آواز میں رکھے ہوئے ہیں

اک ستارے کو تو میں صبح تلک لے آئی

بیشتر، رات کے آغاز میں رکھے ہوئے ہیں

کٹ کے وہ پر توہواؤں میں کہیں اڑ بھی گئے

دل یہیں حسرت پرواز میں رکھے ہوئے ہیں

زندگی آج طلب گار ہے کچھ لمحوں کی

جو کسی چشم پر اعجاز میں رکھے ہوئے ہیں

ہم تو ہیں آب زر عشق سے لکھے ہوئے حرف

بیش قیمت ہیں،بہت راز میں رکھے ہوئے ہیں

وفات

ثمینہ راجہ ٣٠ اکتوبر ٢٠١٢ء کُوں فوت تِھی ڳئی۔