اعلانِ خانپور

موجودہ سیاسی صورتحال تے چند گزارشات.

1.اعلان خانپور موجب بݨائی ڳئی سرائیکستان قومی رابطہ کمیٹی قائم ہے تے ایندہ اجلاس کمیٹی دے کنوینئر پروفیسر عامر فہیم نے 26 مئی 2018 کوں 5وڄے شام فاضل پور وچ سݙے تے سوجھل دھرتی واس دی میزبانی وچ تھیسے جتھاں موجودہ صورتحال تے ٻے ایشوز ڈسکس کیتے ویسن تے آئیندہ اجلاس دی جاہ تے تریخ دا اعلان وی کر ݙتا ویسے.

2.موجودہ صورتحال وچ سرائیکستان قومی رابطہ کمیٹی دی اہمیت ایں سانگے مزید ودھ ڳئی اے جو ایں کمیٹی کوں ہک متفقہ اجلاس وچ مکمل اتفاق نال بݨایا ڳیا ہا.

3.سرائیکیستان صوبہ محاذ نال اساݙی مشاورت نال نی بݨیا نہ ہی اساں سمیت متعدد سیاسی جماعتاں نال مشاورت کیتی ڳئی اے تے اساں ایں محاذ دا حصہ کئینا بݨسوں( دوست تے ساتھی تنظیماں اپݨے فیصلے کرݨ وچ آزاد ہن).

4.اساں وسیب تے سرائیکی قوم دے وسیع تر مفاد دی خاطر اتحاد سانگے اپݨی اہر تے بھڄ دھرک جاری رکھیسوں.

5.سرائیکستان قومی رابطہ کمیٹی دا دائرہ کار تے ممبران دی مجوزہ صوبہ سرائیکستان دے تمام اضلاع توں ممکن بݨائی ویسے تانجو اے کمیٹی وچ تمام وسیب دی نمائندگی ہوسے.

6.تمام اضلاع توو تعلق رکھݨ آلے دوست اپݨے علاقے دے سرائیکی رہنماواں، دانشوراں دے ناں تجویز کرن تاکہ انہاں نال رابطہ کرتے قومی جدوجہد وچ عملی طور تے شریک کیتا ونڄے. شکریہ

عبید خواجہ، صدر انٹرنیشنل سرائیکی کانگریس USA