اظہرؔ گنڈہ پوری
اصل ناں محمد اظہر
قلمی ناں اظہر گنڈہ پوری
جمن 1971ء
تعلیم ایم اے (بی ایڈ)
پیشہ معلم
جاہ پتہ محلہ مقبول آباد ،پہاڑ پور ضلع ڈیرہ اسماعیل خان
ادبی تنظیم سانول سنگت ،پہاڑ پور ضلع ڈیرہ اسماعیل خان یونٹ دے صدر اظہر گنڈہ پوری شعری ادب دے حوالے نال ہک معروف ناں ہے ،اردو تے سرائیکی ڈوہائیں زباناں وچ شاعری کریندن،انہاںدا اردو مجموعہ کلام ’’آ تیرا انتظار ہے اب‘‘چھپ کے پزیرائی حاصل کر چکے تے سرائیکی اچ وی خوب لکھدن۔کیوں نہ لکھن سرائیکی اچ بابائے تھل فاروق روکھڑی دے شاگرد جو ہن۔آپ دے کجھ غزلیہ اشعار ملاحظہ تھیون!
(1)غزل
[لکھو | ماخذ وچ تبدیلی کرو]سوچیں ہا کجھ ساڈے بارے بُک بُک روندن نین بچارے
تیڈیاں یاداں جھولی پا کے آ بہنداہاں سندھ کنارے
آوناں ہئی تاں ڈس چا سانول لا نئیں ساکوں کوڑے لارے
حال کڈاہیں تاں آکے پچھ ونج رات لنگھینداں گن گن تارے
اظہرؔ سوکڑ تن کوں کھا گئے اکھیں کوں منحوس جگارے