یہودیت

وکیپیڈیا توں
Jump to navigation Jump to search

یہودی عقائد دی بنیاد خدا دی وحدانیت تے بنی اسرائیل دی فضیلت ہے۔[١]

حضرت ابراہیم علیہ السلام دے بعد آپ دے فرزند سیدنا اسحاق اپݨے خطے وچ اپݨے والد دا پیغام لوگاں تک پہنچیندے ریہے.حضرت اسحاق علیہ السلام دے پردہ فرماوݨ توں بعد آپ دے پتر سیدنا یعقوب علیہ السلام نے اللہ تعالی دا پیغام قوم تک پہنچایا. یعقوب علیہ السلام دا ݙوجھا ناں "اسرائیل"ہئی جہیڑی بنیاد تے آپ دی اولاد بنی اسرائیل دے ناں نال مشہور تھئی تے آپ دے ١٢ پتراں دے نسلاں نال بنی اسرائیل دے ١٢ قبیلے وجود وچ آئے.

ہک یہودی عالم دی عکاسی

مزہبی اعتبار نال بنی اسرائیل دے عقائد و دین وچ حضرت ابراہیم علیہ السلام توں لا کے حضرت یعقوب (اسرائیل) علیہ السلام سمیت تمام انبیائے بنی اسرائیل(سوائے حضرت عیسی' علیہ السلام ) دے احکامات، صحائف، قوانین، عبادات، الہامی کتب سب شامل ہن جنہاں وچ تورات، ١٠ احکام تے زبور کوں خصوصی اہمیت حاصل اے. شخصیات وچ حضرت موسٰی، حضرت داؤد، حضرت سلیمان، حضرت یوشع تے حضرت عزیر علیہم السلام کوں خاص اہمیت حاصل اے. یہودیت انہاں سارے بنیادی عناصر دا مجموعہ تے امتزاج اے.

مقدس کتاباں[لکھو | ماخذ وچ تبدیلی کرو]

یہودیت دی سب توں اہم دينی كتاب تورات ہے جیہڑی نہ صرف یہودیاں كیتے بلكہ مسیحیت تے اسلام وچ وی آسمانی كتاباں وچ شمار كیتی ویندی ہے۔ تورات تناخ دا پہلا حصہ ہے۔ "تناخ" كوں اكثر انگريزی وچ عبرانی بائبل آکھا ویندا ہے كيونكہ تورات دے علاوہ اس وچ ݙو ٻئے حصے شامل ہن جنہاں وچ یہودی تاريخ و عقائد دے اہم عنصر بيان كیتے گئے ہن۔ تناخ دا ݙوجھا حصہ ہے "نوی إيم" يعنی انبياء تے تریجھا "كيتُوِيم" يعنی كتاباں يا درج كردہ چيزاں۔[٢]

علاقے[لکھو | ماخذ وچ تبدیلی کرو]

زیادہ تر جرمنی، اسرائیل، امریکہ تے ایران وچ رہندن.

ٻیا ݙیکھو[لکھو | ماخذ وچ تبدیلی کرو]

حوالے[لکھو | ماخذ وچ تبدیلی کرو]

  1. Louis Jacobs.The Book of Jewish Belief. USA: Behrman House, Inc, (1984)
  2. Corrigan et al. Jews, Christians, Muslims: A Comparative Introduction to Monotheistic Religions. Upper Saddle River: Prentice Hall, 1998. pp. 7-12