یونس ناصر

یونس ناصر دا سانگا رحیم یار خان نال ہے ھے خوب صورت غزل لکھدے ہن۔

اپنڑیں وسیب ئچ اونویں تاں ٹیلنٹ دی کمی کینی ، ھرحوالے نال میڈا وسیب بےمثال اے ،لیکن ادب دی گال کروں تاں ساڈے وسیب دی ھر وستی ھرشہرئچوں ڈوچار ناں ضرور نکلسن ، خیر ساڈے ضلع رحیم یار خان کوں تاں ھکو اعزاز وی ڈھیر اے ، جو اتھاں خواجہ غلام فرید سیئں جے عظیم شاعر پیدا تھئین ، اینویں مولوی لطف علی سیئں تے قیس فریدی رح توں گھن تے اج دے عظیم شاعریں تک ، لیکن توجہ طلب گال اے ، اج وی ساڈے ضلع رحیم یار خان ئچ ایہوجے سینکڑاں شاعر موجود ئن جنہیں دی سرپرستی اتے حوصلہ افزائی کیتی ونجے تاں او ساڈے ضلع رحیم یارخان کیا ، پورے وسیب دا ناں روشن کرسگدن ، ایں لمبی فہرست وچوں ھک ابھردا ھویا ،ھک نویکلے انداز ئچ ڈوھڑہ نظم ، غزل آکھنڑوالا شاعر مخلص دوست سیئں ،،،،، یونس ناصر ،،،،، اے ، آپ نے غالبًا 1985 اپنڑی شاعری دا آغاز کیتا ، تے استاد الشعرا قاصر جمالی صاحب دے اگوں شکر رکھی ،، اوں دوران ایں آپ دا کلام مشاعریں وچ عوام دی توجہ دا مرکز بنڑدا گیا ، بلخصوص اے ڈوھڑہ ،، ، میکوں چھوڑ تےناصر کنڈ نہ کر میاں میں ھینڑاں میں کنڈ ڈینداں ،،، اے ڈوھڑہ تاں جناب دی شخصیت کوں چار چندر لا ڈتے ، اوندے بعد ادب دے ٹھیکداریں ، ایں جوان کوں پچھونہاں کریندیں کریندیں آخر کار شاعری چھڑوا ڈتونے ، ھنڑ کجھ عرصہ پہلے کجھ مخلص سجنڑیں دی بدولت ادب دے میدان ئچ جوان ولا ول آئے آپ دے کجھ شعر تساں باذوق دوستاں دی نزر ،، شعر پڑھ تے اپنڑی رائے دا اظہار ضرور کریسو ،تاکہ ایہوجے لوکیں دی حوصلہ افزائی تھیوے

نمونہ کلام

ساڈے گل گانیاں مجبوریں دیاں کشکول انا دے ہتھ ءچ ھ

لب ظرف ضمیر دے پہرے وچ ہر بول انا دے ہتھ ءچ ھ

اے بھیک اوڈوں احسان رکھیے تک تول انا دے ہتھ ءچ ھ

تونڑیں ساہ ساہ ناصر گروی ھ سر ڈھول انا دے ہتھ ءچ ھ

تو جو جانی کھل کھل تے ولٹیندا پئیں

ڈس ہاں میڈی اکھ دئیں نیریں کیا آکھیے!

ھ کئی اپݨا میل ملاپ مقدر وچ

تیڈے ہتھ دئیں ڈیکھ لکیریں

کیا آکھیے!

مسیں منہ جڑدے منہ بنڑ ویندے وت کھلدے منہ کوں جھنڈ ڈینداں

تھیندے منہ ڈمنڑاں ڈسکار کیتے ڈے چپ تے ڈند منہ منڈ ڈینداں

میڈے سر سارے الزام سہی میاں میں کوڑا میں ڈنڈ ڈینداں

میکوں ناصر چھوڑ تے کنڈ نہ کر چلو میں ہینڑاں میں کنڈ ڈینداں

عشوے غمزے اکھ دی شارت ہووے پئ

اپنے شیشے نال شرارت ہووے

پئ

ناصر سارے حال زبانی نی ہوندے

چہرے تے کئ لال عبارت ہووے پئ

تیڈے پھل توں ناصر تھۓ چور شیشہ

رقیبیں دے گۓ ہن پتھر ایڈے اوڈے

اجڑیں فصلیں دی جھاڑ رکھی رہ

ہک نشانی ہے ناڑ رکھی رہ

اعتباریں دے کہیں ولیکھے توں

ول وی یاریں دی تاڑ رکھی رہ

اوکھے ویلہے تے ول پکر پوسوں

کہیں وی چنڈ وچ کباڑ رکھی رہ

سعید ثروت

صدر ،، تانگھ ادبی سنگت سہجا

ݙوہڑہ

.ساڈی صورت جگ دے موتیں وچ نگ ہوندی ہئ تگ ہوندی ہئ

زربفت پوشاک ہئ نظریں دی ٹهگ ہوندی ہئ تگ ہوندی ہئ

وگ چهانگاں مال مہاگاں دی مگ ہوندی ہئ تگ ہوندی ہئ

جیڑهی گودڑی ناصر کچه وچ ہے پگ ہوندی ہئ تگ ہوندی ہئ

...شاعر

یونس ناصر

یونس ناصر صاحب بہترین غزل

ــــــــ ــــــــ ــــــــ ــــــــ ــــــــ ــــــــ ــــــــ ــــــــ ــــــــ

ڈکھارے ایں تھیوں ناصر تیڈی وستی توں ویندیں ہوئیں

جیویں جو روح نکلدی ھے کہیں ہستی توں ویندیں ہوئیں

ایتھاں خوشیاں مہانگیاں ہن تہوں دردیں کوں ایں میلیے

جیویں کئی منڑ تُلا گھندا ھے شئے سستی توں ویندیں ہوئیں

نگاہِ نرم ڈہیدیں ہوئیں پلا نہ جام اے ساقی

ولا نہ مست تھی پووں مسیں مستی توں ویندیں ہوئیں

جڈاں دھرتی وچوں نکھتیں کویلیں کو جو پر لگ گن

ولا اکھیں فلک تے ہن اجاں پستی توں ویندیں ہوئیں

یونس ناصر رحیم یار خان

غزل

حشر اتنا نہ کر متھاجیں دا

کہیاں جھیڑا یا شر متھاجیں دا

کھا تے ٹھوکر اتھائیں سم پوندوں

نہ ھے وستی نہ گھر متھاجیں دا

رات کالی نہ توں ڈرا مفتا

خوف ویندا ھے مر متھاجیں دا

کون مونڈھا یا روز ہتھ ڈیندے

کون ھے ہمسفر متھاجیں دا

حکم والیں کوں التجا والا

لفظ لگدے زہر متھاجیں دا

کون رکھدے پچھانڑ شیشے دی

اے ھے ناصر شہر متھاجیں دا

یونس ناصر سئیں رحیم یار خان