ہما بھابھا

وکیپیڈیا توں

ہما بھابھا (اردو: ہما بھابھا) (انگریزی: Huma Bhabha) (ڄَمَّݨ دا سال: ١٩٦٢ء)[١] اُوہ ہِک پاکستانی نژاد امریکی مجسمہ ساز ہِن جیڑھی نیو یارک دے شہر پوفیسکی وِچ رہن٘دی ہِن۔[٢] جیڑھا اپݨی علامتی شکلاں کِیتے سُن٘ڄاݨا وین٘دا ہِے۔ ہما بھابھا اکثر اپݨے مجسمیاں وِچ اِیں مواد دا استعمال کرین٘دی ہِن جین٘دے وِچ سٹائرو فوم، کارک، رٻڑ، پَنّاں، تار اَتے مٹی شامل ہِن۔ اُوہ کݙان٘ہِیں کݙان٘ہِیں ٻِنّھاں لوکاں دے ݙِتّے ڳئے شئیں کُوں اپݨے فن پاریاں وِچ شامل کرین٘دی ہِن۔[٣] جیویں اُنّھاں نے اپݨے ٻہوں سارے مجسمیاں وِچ تِرامے دا استعمال کِیتا ڳیا ہِے۔ اُوہ پَنّے اُتّے وی اپݨے کَم وِچ اِتّی ای مہان٘در رکھین٘دی ہِن، اُوہ پینسٹل ڈرائنگ، فوٹو گرافی اَتے ݙوجھے پرنٹ ایڈیشن وی بݨین٘دی ہِن۔[٤]

ابتدائی حیاتی، تعلیم اَتے کَم[لکھو | ماخذ وچ تبدیلی کرو]

ہما بھابھا دی پیدائش کراچی، پاکستان وِچ تھئی اَتے اُنّھاں دی اَمّاں ہِک فنکارہ ہَن جاں جو اُوہ پیشہ ورانہ طور تے کَم نئیں کرین٘دی ہَن۔ ہما بھابھا دا گھر فن دی کتاباں نال بھریا ہویا ہئی اَتے اُنّھاں دی اَمّاں اکثر اِنّھاں کُوں اِنّھاں دے پراجیکٹس وِچ مدد ݙین٘دی ہَن۔ ہائی سکول وِچ ای ہُما نے ڈرائنگ اَتے پینٹنگ کرݨ دا اَغاز کِیتا اَتے ہِک پیشہ ور فنکارہ بݨݨ دے بارے وِچ وِچار کرݨ دا اَغاز کر ݙِتّا۔[٥] ١٩٨١ء وِچ تعلیم حاصل کرݨ کِیتے ریاست ہائے متحدہ امریکہ دا پن٘دھ کِیتا، بھابھا نے بی ایف اے رہوڈ آئلینڈ سکول آف ڈیزائن (١٩٨٥ء) وِچ، مصوری دی کلاسز گِھنَّݨ دے نال نال پرنٹ میکنگ وِچ وی کَم کِیتا۔[٥][٦] اُتُّوں تُوں فارغ تِھیوݨ دے بعد، اُوہ ݙو ورھیاں بعد پاکستان وَل آئی۔ ١٩٨٦ء وِچ اِنّھاں دے اَبّا سئیں دے فوت تِھیوݨ دے بعد، اُوہ امریکہ وَلا ٹُر ڳئی ہَن اَتے کولمبیا یونیورسٹی وِچ تعلیم حاصل کِیتی، جِتّھاں اُنّھاں نے ایم ایف اے دی تعلیم حاصل کِیتی (١٩٨٩ء)۔[٥][٧] کولمبیا وِچ رہن٘دے ہوئے، اُنّھاں نے کینوس دی بجائے لکِّڑ اَتے دھاتڑ دا استعمال کرین٘دے ہوئے فن پارے بݨائے، جین٘دے وجہ کنُوں اُوہ شکل، جاء اَتے رنگ جئیں خاصیّتاں کُوں شامل کر سڳِن۔ کولمبیا وِچ اپݨے ݙوجھے ورھیے وِچ، اُنّھاں نے مصور مئیر وسمان دی معاون دی حیثیّت نال کَم کِیتا۔ جنّھاں توں اُنّھاں نے پیشہ ور فنکارہ بݨݨ دا طریقہ سِکّھیا۔ اِیں نے گریجوایشن کرݨ دے بعد اتے نیٹ ورک تُوں پیشہ ورانہ رابطہ استوار کرݨ اَتے فن دی دُنیا وِچ لوکاں نال مِلَّݨ دے بعد وی اُنّھاں کِیتے کَم کرݨ جاری رکّھیا۔[٥] ہما بھابھا ٢٠٠٢ء تئیں نیو یارک شہر وِچ ٹِکاݨاں کِیتی پئی ہَن اِین٘دے بعد اُوہ پوفکیسی چلی ڳئی، جِتّھاں اُوہ فی الحال رہن٘دی ہِن اَتے کَم کرین٘دی ہِن۔[٣] [٨] اُوہ اپݨے پئے جیسن فاکس دے نال رہن٘دی ہِن۔ جیڑھے ہِک فن کار وی ہِن اَتے جِنّھاں نال اُنّھاں دی شادی ١٩٩٠ء وِچ تھئی۔[٥]

حوالہ جات[لکھو | ماخذ وچ تبدیلی کرو]

  1. Phaidon Editors (2019). Great women artists. Phaidon Press. صفحہ 61. ISBN 0714878774.
  2. Union List of Artist Names Online (ULAN) Full Record Display for Bhabha, Huma
  3. ٣.٠ ٣.١ Canines to Cannabis in Artist Huma Bhabha’s New Show
  4. Huma Bhabha (Artist Page)
  5. ٥.٠ ٥.١ ٥.٢ ٥.٣ ٥.٤ In the Studio: Huma Bhabha
  6. Hip-Hop-Era Giacometti
  7. "Huma Bhabha ('89) in ICP Triennial". Archived from the original on 2016-11-14. Retrieved 2022-03-08.
  8. Huma Bhabha, Artist