ہرنولی

ہرنولی سرائیکی وسیب دا قدیم وݨ ہے اینکوں سال وچ تقریباً ہک واری پھل لڳدے اینکوں ارنڈ وی آکھیا ویندے

ایندا پھل مارچ اپریل وچ پکدے ایندے پھل وچوں نکلݨ آلے تیل کوں کسٹرآئل آکھیا ویندے کسٹر آئل دی انفرادیت اے ہے جو اے کہیں ہک جا تے نی رکدا، حکما دے نزدیک اگر کسٹر آئل کوں کھیر وچ ملا تے استعمال کرو تاں اے پیٹ صاف کر ݙیندے اتے پیٹ وچوں سارے فاسد مادے کڈھ ݙیندے

ہرنولی کوں ٻکری دے علاوہ تقریباً کوئی جانور نی کھاندا، پر وݙے ٻکریاں کوں وی نہ کھاوݨ ݙیندے ہن آھدن ہرنولی کھاوݨ آلی ٻکری تے چھری وی نی پُڄدی،ایں پاروں ہر ہنال سیال ہرنولی سرسبز شاداب راہندی ہے کیوں جو اینکوں کوئی زناور منہ نی مریندا

ہک اکھاݨ وی ہے...

جئیں کھادی ہرنولی... اوں اپݨی قبر آپ ڳولی...