ڳالھ مہاڑ:ظہیر مہاروی

تڈاں ہک نظم تھیندی ہے

جڈاں پہلی محبت دے مکن توں بعد روندیں ہوئیں قسم کوئی چَویندی ہے تڈاں ہک نظم تھیندی ہے

جڈاں من دے اندھارے وچ کوئی شے گولڑیں ہووے تاں ہک تیلی بلیندی ہے تڈاں ہک نظم تھیندی ہے

جڈاں بارود پھٹ ویندے تاں بھاء اچ سڑ گئے گھر دی سوا ونج کے پھلیندی ہے تڈاں ہک نظم تھیندی ہے

جڈاں پھلدار کانس تے کوئی تصویر بچپن دی صفا کر کے رَکھیندی ہے تڈاں ہک نظم تھیندی ہے

جڈاں وَل یار آندا ہے تڈاں چھنڑکار آندا ہے جڈاں چھنڑ چھنڑ سُنڑیندی ہے تڈاں ہک نظم تھیندی ہے Zaheer Ahmad Maharvi (talk) 12:06, 25 May 2018 (UTC)