کنجراں وس گنگدام زناور

کنڄراں وس گُنگدام زناور

روہی واسی رول روہیلے رُل ڳئے۔۔۔۔۔ نہ ہُݨ صادق مند دا راج ریہا نہ فریدݨ یار دی کافی۔۔۔ جتھ روہی نال روہیلے رُل ڳئے اُتھ یتیم تھئے بُکھ مردے۔۔۔۔۔ بے مُہارے اُٹھاں دے وڳ ۔ چار چُفیروں۔۔۔۔۔ ابادگیراں دے ۔۔۔۔۔ پناہ گیراں دے چکاں دے چک دیاں فصلاں ۔۔۔۔۔۔جنگل دی بھاء دے وانگوں سُردی سُردی سُوا کریندی ۔۔۔ روہی لُٹ دی مارءچ مار کریندی ۔۔کالی تھی ڳئی ۔۔ کتھ بُکھ ونڄ مرݨ شودے۔۔۔ اے مال ایاݨے ۔۔۔۔ٻال سیاݨے۔۔۔۔۔ وئے مرنی سئیں آں۔۔۔۔ او کاتی لڳے ۔۔۔ وئے کُہیجیں شالا" آکھݨ آلے ۔۔۔۔ سارے ٹُر ڳئے ۔۔۔۔ مال ایاݨے پھاٹک لگدے۔۔۔۔۔ سارے ٹُر ڳئے ۔۔۔۔ بچدے باقی ۔۔۔ ٻُکھ دوں مردے ترٹھے باقی ۔۔۔۔زہریلی ساول دی فصلاں کھاتے ۔۔۔۔ جیکر بچ وی پو ون تاں۔۔۔۔۔ آدم بو آدم بو کریندا پِھٹا بندہ ۔۔۔۔۔سوٹیاں ڈانگے چاتی۔۔۔۔۔۔ بھڄ جو پوندے ۔۔۔۔۔۔ پھِٹا بندہ ذومبی بݨدا ۔روہی ءچ جتھ ابادکاری تے کاشت کاری ایتلی ودھ تھی ڳئی ء جو بُکھ دے مردے زناوراں کو فصل اڄاڑن دی سزا جو سوٹیا ݙنݙکیاں نال کُٹ کُٹ لہو لُہان کرتے مار سٹو ۔۔۔۔ میں کوئی اُٹھ زناور نئیں مویا ہاں ۔۔۔ میں تاں روہی دا ڄایا ہک روہیلا ہاں ۔۔۔۔۔۔ ۔۔ گُگدام دی آہ نئیں لگدی ۔۔۔ اللہ سئیں جو ݙاݙھے دا ء ۔۔۔۔۔۔۔گُنگ دام زناور کنڄراں وس ء ۔۔۔۔۔ ایہو حال تے ایندی چس ء۔۔۔۔۔ شہزادعرفان

ہک ݙوجھا استحصالی واقعہ

ایں طرح دا ہک ݙوجھا واقعہ وسیب دے ہک علاقے وچ تھیا جتھوں آبادکاراں دے استحصالی ذوق دا پتہ لڳدے، او واقعہ حسب ذیل اے: ساݙے ھک بزرگ ݙسیندن لیاقتپور دے قریب، فیصل آبادوں ھک آباد کار جُھڳے ھک سرکاری زمین دے وݙے ٹُکڑے تے قبضہ آ کیتا، مقامی لوکیں وݙی آدر بھال کیتی، شام سویل گھروں روٹی مانی ݙیندے حَن، ہر ݙکھ سکھ وچ کم آندے حَن، چوھدری زمین آباد کر گھدی، فصلاں زور دیاں تھیوݨ لڳ پیاں چوھدری دا بخت عروج تے پُڄ ڳیا ھک ݙینہہ ایں تھیا جو مقامی سرائیکی جیڑھا چوھدری دا دوست حا اوندے ٻال اپݨے اُٹھ تے چوھدری دے کماند دی پَتری چاوݨ ڳے تاں جیڑھے ویلے اُنہاں اُٹھ تے پتری لݙ تے ٹُرݨ جوگے تھئے تاں چوھدری پرے کنوں سݙ مار پچھا جو"کوݨ جے تُسی"سرائیکی ڄٹ دے ٻال کھڑ ڳے تے اُنہاں سمجھا شئیت چاچا چوھدری ساکوں سُنڄاݨ نیں سڳیا، چوھدری نیڑے آیا تے اوں اپݨی روایتی نمک مرداری دا بھر پور مظاہرہ کریندے ہویاں ھکے سِروں مندیاں نال شروع تھی ڳیا، ٻال ٻال چاچا چاچا کریندے رہ ڳے پر چوھدری دی کاوڑ مٹھی تھیوݨ دی بجائے ہتھوں ودھدی ڳئی اوڑک چوھدری اصلوں چِھتا تھی ڳیا تے اوں کماند دی پَتری نال لݙے اُٹھ کوں تیلی چِھک ݙتی..

شُکر ہے ایں شودے اُٹھ دیاں لتاں ترُٹن بھا تاں نِس لڳی.. بشکریہ اعجاز الرحمان