کرنل جبار عباسی تے نذیر کٹپال دی آپت وچ کھاپت

چند ݙینھاں کنوں خبراں گردش وچ ہن جو سرائیکی قومی اتحاد دے چئیر مین کرنل عبدالجبار عباسی اتے سیکریٹری جنرل نزیر کٹپال دی آپت وچ کھاپت پئے ڳئی اتے کٹپال صیب نے استعفی ݙے چھوڑے( اے خبر معروف سرائیکی رہنما اتے صحافی سئیں ایم ڈی گانگا نے فیسبک تے جاری کیتی). بعد وچ مختلف پوسٹاں توں پتہ لڳیا جو کرنل صیب کراچی کنوں وسیب آندے پن اتے کٹپال دی کمپئن چلیسن. ہݨ پتہ لڳے جو کرنل صیب نے کھلم کھلا سرائیکی قومی تحریک دے کھلم کھلا مخالف اتے کساناں دے حقوق تے کمائی دے لٹ مار کرݨ آلے خسرو بختیار المعروف ٹوکہ پرمٹ دی حمائت کرتے باقاعدہ ورک شروع کر ݙتی اے اتے اوندی حمایت وچ پمفلٹ، اسٹیکرز وی چھپوا تے پورے حلقے وچ ونڈا ݙتے ڳن( بطور ٹبوت ہک سٹیکر دی تصویر اٹیچ ھ) اطلاع ھ جو انہاں دے بھرا عبدالستار عباسی نے ایں چمچہ گیری دی قیمت چالیھ لکھ روپے اتے کرولا کار وی خسرو بختیار کنوں وصول کیتی اے.

دوستوں اساݙی اے کوشش رہ ڳئی اے جو اساں الیکشن دے دوران سرائیکی وسیب کوں کنفیوژن کنوں بچاوݨ کیتے گھٹ کنوں گھٹ کہیں ایشو تے کمنٹ کروں مگر کیونکہ کجھ ناعاقبت اندیش اتے قومپرستاں دے ویس وچ سرائیکی کاز کوں ویچ وٹا تے سرائیکی صوبے دی تحریک کوں ختم کرݨ دی مذموم کوشش کریندے پن.

ایں صورتحال وچ چپ ٻاہݨ ہک قومی جرم شمار تھیسے. ایں سانگے ایں پوسٹ دا لانوݨ ایہو مقصد اے.

دوستو! اے حلقہ این اے 177 اتے پی پی 259 اتے پی پی 261 دی ڳالھ تھیندی پئی جتھاں سرائیکی کاز دے کھلم کھلا دشمن خسرو بختیار اتے اوندا بھرا الیکشن لڑدے پن. کیونجو خسرو نے سرائیکی قومی تحریک اتے زبان بارے حامد میر دے پروگرام وچ گھٹ ودھ آکھئے ایں سانگے ایندی حمائیت کرݨ سرائیکی قومپرستاں کیتے قابل شرم ڳالھ اے. ٻیاں اے جو سرائیکی وسیب وچ ڳنے دے کاشتکاراں کوں بحران دا شکار کیتس اتے صرف ناجائز کٹوتیاں کرتے ضلع رحیم یار خان دے کاشتکاراں کوں صرف ہک سیزن وچ پنجھ ارب روپے کنوں زیادہ دا کٹہ لاتس اتے انہاں 5 ارب روپے وچوں چند کروڑ روپے لاتے الیکشن وچ ضمیر فروش مل گھندا پئے. خسرو دی ہمیشہ سیاست اے رہ ڳئی اے جو پیسے نال ووٹ مل گھنݨ دے نال نال پراکسی اتے فرضی امیدوار کھڑے کرویندے اتے لوکاں کوں پیسے ݙیندے جو الیکشن میݙے مقابلے وچ کھڑے راہوݨے ٻاہوݨا نی تانجو مخالف امیدوار دے ووٹ کٹیڄن تے نزیر کٹپال کوں ایں سانگے الیکشن وچ کھڑا کیتا ڳئے جو او پیپلز پارٹی اتے بالخصوص مخدوم شہاب الدین سئیں دے ووٹ کٹے.

ݙونہیں صورتاں دے وچ سرائیکی تحریک دی بدنامی اتے نموشی تھیسے. جیکر شہاب الدین ہر پوندے تاں سرائیکی تحریک تے پارٹیاں دا مخالف بݨ ویسے جیکر کٹپال سو ݙو سو ووٹ گھندے تاں ول خسرو بختیار لاہور اسلام آباد ونڄ تے آکھیسے جو ݙٹھے وے سئیں سرائیکی تحریک دا پھکہ نی بچیا تے عوام سرائیکی صوبہ نی چاہندے.

نزیر کٹپال سچا ہووے ہا الیکشن لڑن کیتے تاں خسرو بختیار دے خلاف ہک ادھ مظاہرہ یا کم از کم اخباری بیان ݙے چھوڑے ہا مگر اے کینوے تھی سڳدا ہا کیونجو اے الیکشن تاں خسرو دے آکھے تے لڑدے پے ہن تے اوندے خلاف کینوے مظاہرہ کرن ہا؟ منہ کھاوے تے اکھ شرماوے.

ہک پاسے نزیر کٹپال صیب اکھیندے ودن جو کرنل عباسی خسرو بختیار کنوں رقم کھادی ٻیٹھن اتے میکوں الیکشن وچ کھڑا تے پروبھرا تھی کھڑے.

نزیر کٹپال دی دھاڑ پٹ کرݨ تے کرنل صیب ہک بیان جاری کیتا جو کجھ وسیب ونڄ تے کٹپال دی کمپئن چلیندا مگر الٹا کرنل عبدالجبار خسرو بختیار دی کمپئن شروع کر ݙتی اے. اے ݙیکھ کرانہیں نزیر کٹپال دے ہتگوں ٻکاٹ نکل ڳن. مگر لڳدا اینوے ھ جو کٹپال تے کرنک عباسی ہکی صلاح نال لڳے پن. جیکر ایم ڈی گانگا صیب دی ڳالھ صحیح تاں ول نزیر کٹپال تساں سامݨے آوو تے حقیقت ݙساوو وسیب کوں. نہ الیکشن کنوں دستبردار تھیندو نا وچلی ڳالھ ݙسیندو اتے اے وی آہدو جو میݙے نال کرنل صیب دھوکا کیتے اے کیا ڳالھ تھئی. یا تاں ول ہݨ تساں دھوکہ ݙیندے پیو وسیب دے لوکاں کوں؟ پاکستان سرائیکیی قومی اتحاد دے ہک ٻے رہنما سید عامر مشہدی صیب وی اپݨے ہاں دے سوجھلے تے الیکشن لڑدے پن حالی تئیں انہاندی کوئی مرکزی قیادت نی انہاندے حلقے وچ کوئی ورک نی کیتا. الیکشن کوں مخول بݨا تے سرائیکی تحریک کوں کمزور کیتا ویندا پے..

انٹر نیشنل سرائیکی کانگریس دے سرائیکی قومی کٹھ وچ تساں معتبر اتے معزز سرائیکی لیڈراں کوں تخت لاہور دا ایجنٹ آکھیا ہاوے ہݨ اپݨے عمل نال خسرو بختیار دا.......... کون بݨیا ودے؟؟؟ امیدوار نزیر کٹپال سئیں تساں ہیوے نہ کہ کرنل صیب. نہ تساں ٻال ہاوے جو کرنل صیب ٹھڳال تے تہاکوں الیکشن وچ کھڑا کیتا ہائی؟ ہݨ وی وقت ہیوے درست فیصلہ کرو وگرنہ تاریخ، وسیب اتے تہاݙی اپݨی جماعت تہاکوں کئیناں بخشیسن.