کرغزستان وِچ زنانیاں

ݙُو کرغزستانی زنانیاں اپݨے جُھمِّر دے پہناوے وِچ قومی گھوڑیاں دے کھیݙ دے موقع تے لُوݨ اَتے مَسکہ پیش کرین٘دیاں پِیاں ہِن۔

کرغزستان وِچ زنانیاں (اردو: کرغیزستان میں خواتین) (انگریزی: Women in Kyrgyzstan) عام طور تے روائی پیشیاں وِچ حِصّہ داری کِیتے مہان٘دریاں ہِن۔ اِتّھاں دِیہاتی علاقیاں وِچ قبیلیاں دی رِیت کُؤارِیں کُوں اڳوا کرݨ رائج ہِے۔ جین٘دے تحت زنانیاں اَتے چھوہِرِیں کُوں زبردستی شادی کِیتے اڳوا کِیتا وین٘دا ہِے۔ اِتُّھوں عام ٻولی وِچ اِیں رِیت کُوں آلا کاچو (گِھنّو اَتے بَھڄّو) آکھیا وین٘دا ہِے۔ دیس وِچ ١٢ سال جِتّی گَھٹ عُمر دی چھوہِرِیں دا قبضہ کِیتا وین٘دا ہِے اَتے مرداں دے جَتّھیاں دی طرفُوں، یا کُجھ جائیں اُتّے ساکداراں دی طرفُوں مار کُٹ یا چِھل اَتے کپٹ دے ذریعے پَھد تے قبضے وِچ گِھدّیاں وین٘دیاں ہِن۔ اِیں چھوہِر کُوں چاوݨ آلے دے گھر چا تے پُچایا ویندا ہِے اَتے اِیں چھوہِر کُوں ہِک غیر قانونی شادی منظور کرݨ کِیتے ڄٻر کِیتا وین٘دا ہِے۔ زیادہ تر معاملیاں وِچ ہِک جُؤان چھوہِر کُوں شادی دے ناں اُتّے عِزّت لہاوݨ دے مرحلے تُوں فوری طور تے لنگھݨاں پون٘دا ہِے۔

اِیہ صورتِ حال خاص طور تے دِیہاتی علاقیاں وِچ عام ہِے، جِتّھاں رِیتاں اَتے مقامی وِچار وَدھ اثر انگیز ہِے۔ جاں جو دیس دے شہری علاقیاں وِچ صورتِ حال نسبتاً چنڳی ہِے، جدید طور تے زنانیاں اِیں دیس وِچ حیاتی دے ہر شعبہ وِچ اپݨی موجودگی درج کرین٘دیاں پئیاں ہِن۔

رَڑھ واہی

دیس دے پسماندہ دیہاں وِچ رہݨ آلی وَدھ ٻالاں آلیاں اَتے ٻُڈھڑِیاں زنانیاں رَڑھ واہی اَتے اُون٘دے نال متصلہ جدید ونکیاں جیویں جو ڈرپ ایریگیشن سسٹم لاوݨ تُوں ٻہوں خوش حالی حاصل کِیتی ہِے۔ اُوہ ہُݨ اپݨی بھوئیں اُتے کئیں ساولِیں جیویں جو ٹماٹر، کھیرے اَتے گاجراں کاشت کریندیاں پئیاں ہِن۔ اِیں کوشِت نال کئی دیہی زنانیاں آپ دی کفالت چنڳی طرح کریندیاں پئیاں ہِن۔

زنانیاں کِیتے خاص خلائی پروگرام

کرغزستان وِچ زنانیاں دا کَلَّھا آپݨی مثال آپ خلائی پروگرام زنان پُݨے دے رِوائتاں کُوں چیلنج کریندا پیا ہِے۔ دیس دے اِیں خلائی جَتّھے وِچ علینا انیسیمووا اَتے اُنّھاں دے کُجھ ٻیلی زنانیاں شامل ہِن۔ اِیہ توقّع کِیتی وین٘دی پئی ہِے جو اُوہ لوک ٢٠٢٠ء دے اَخِیر توڑِیں دیس دی پہلی سیٹلائیٹ دا تجربہ کرݨ دا ارادہ رکھین٘دے ہِن۔

ٻِیا ݙیکھو

• ایشیا وِچ زنانیاں