ڈیرہ غازیخان

معروف محقق احسان احمد چنگوانی اپنڑی کتاب تاریخ ڈیرہ غازی خان " دے صفحہ نمبر 26 تے لکھدے ہن ، کہ ملک دے فرمانروا حسین بخش لنگاہ نے 1484کوں ڈیرے دا پہلا کاردار / صوبے دار مقرر کیتا ۔

اوں وقت سلطنت ملتان دی سرحداں کوئٹہ تک ہن، موصو ف اپنڑی کتاب دے صفحہ 26 تے لکھدے ہن، کہ ڈیرہ غازی خان دے علاقے اتے سومرہ خاندان دی حکومت 750ء کنوں 1333ہئی ۔

معروف محقق محمد علی صدیق اپنڑے مضمون اچ لکھدن، کہ سومرا حکمران سرائیکی ہن تے انھاں دے دور (عہد)اچ پوری وادی سندھ دی زبان سرائیکی ھئی مغلیہ دور دے ابوالفضل دی مشہور کتاب ""آئین اکبری "" اچ صوبہ ملتان دی حدود کیچ مکران تک ݙسائی ڳئی ھ، تاریخ دی کتاب سیرالمتاخرین ( مطبوعہ نول کشور پریس 1871ء ترجمعہ گوگل پرشاد صفحہ 60 تا 63 ) اچ صوبہ لاھور صوبہ ٹھٹھہ صوبہ ملتان دا ذکر ھ ، صوبہ پنجاب تے صوبہ سندھ دے ناں تک کائینہ ہن، فرق صرف اتنا ھ، کہ سرائیکی کنوں پیدا تھیونڑ آلی زبان کوں صوبے مل ڳن، تے سرائیکی کوں صوبہ نہ ملیا ۔